سەرهاتیەك ل سەر كەتواری دگونجیت
عزەت یوسف
دبێژن … مارەكی ب مریشكەكێ ڤەدا، ژەهر د لەشێ وێ گەڕیا و ژ سۆتنا هناڤان حەویان ڤێ نەكەفت، بۆ نك بڕا هەڤالێن خوە ل كولكی زڤری. لێ هەڤالین وێ ژ تڕسا ڤەگرا ژەهرێ دەرێخست. مریشك ب لەنگینی دوور دەركەفت، ژ ئێشانێ دگەڕیا، نە ژبەر پێڤەدانا ماری، لێ ژبەر مالباتا وێ د دەمێ تەنگاڤیەكا دژوار دا پشت دایێ. لەوا چوو، پێ خوە دووف خۆڕا دخراند. هندی چاڤێن مریشكان قەترە كری چوو هەتا لبەر چاڤان بەرزە بووی. هەڤالێن وێ گۆتن: بلا وێڤەتر بچیت و دووری مە بمریت. ل دووماهیێ دەمێ مریشك ژبەرچاڤان بەرزە بووی، ئەو پشتراست بوون كو یا مری، هەتا هندەكان ب هیڤیا دیتنا ئەلهۆیان بەرێ وان ل ئاسمانی بوو.
دەم دەرباز بوو، دەمەكێ درێژ دووڤدا بالندێ شیراڤمێژك – Hummingbird) هاتە كولكێ مریشكان و گۆت: (خویشكا وە یا ساخە! ل شكەفتەكا دوور دژیت. یا چێبووی، لێ ژبەر پێڤەدانا ماری پیەكێ خوە یێ ژ دەستدای، هەروەسا ب زەحمەت خوارنێ پەیدا دكەت و پێدڤی ب هاریكاریا هەوەیە).
دەمەكی بێدەنگیێ تەڤنێ خوە راچاند، پاشی هێجەتان دەستپێكرن: ئەز نەشێم بچم ئەز خوارنێ پەیدا دكەم… ئەز نەشێم بچم ئەز یا كوركم… ئەز نەشێم بچم ئەز خۆدان چیچەلوكم…) هەموویان داخوازا بالندەی رەتكر. لەوا بالندە بێ هیچ هاریكاری ڤەگەڕیا شكەفتێ. پاش هەیامەكا درێژ، جارەكا دی بالندێ شیراڤمێژك ڤەگەڕیا، لێ ئەڤ جارە ب پەیامەكا كوڤان: (خویشكا وە مر… ل شكەفتێ مر… كەس نینە ڤەشێریت) وێ گاڤێ، خەمەكا كوور هەموو ڤەگرتن، ل كولكێ مریشكا بۆ نیهاری. پەشیمانی ژ هەموو ژەهرەكێ خرابترە، ئینا پرسیارا خوە كرن: (بۆچی بەریكێ مە چ بۆ نەكر؟) هەموو مریشك، ب قێری و گری بەرەڤ شكەفتێ كەفتنە رێ. دووماهی جار سەدەمەك بۆ سەرەدانا شكەفتێ دیتن، لێ گەلەك درەنگ و شول قەتیا بوو. دەمێ گەهشتینە شكەفتێ، مریشك نەدیت، لێ نامەك دیت، تێدا نڤێسی بوو: دبیت ل دنێ خەلك رەنجەكی بۆ هاریكاریا تە ناكێشن، لێ دبیت مەودایەكا دوور ببڕن داكو تە پشتی مرنێ ڤەشێرن، پڕانیا روندكان د بەهیێ دا نە ژ بەر خەمێ یە، بەلكی ژ لومەكاریێ و پەشێمانیێ یە) مخابن، ئەڤە راستی و حال حازرێ رەوشێ یە، مالباتا مریان بەهیێ د دادنن و پارەكێ مەزنێ دمەزێخن، لێ ل دەمێ ساخییا رەحمەتی، ئەوی رەنجی و مەزاختنێ ناگرنە بەر.
