سەرۆکێ هەرێما کوردستانێ و وەزیرێ بەرگریا بەلجیکا کۆمبوون
ئەڤرۆ نیوز:
سەرۆکێ هەرێما کوردستانێ ل گەل وەزیرێ بەرگریێ و دەرڤە یێ بەلجیکا کۆمبوو و بەحسێ پەیوەندیێن دناڤبەرا هەردو ئالیان دا کر.
ئەڤرۆ شاندەکێ حکومەتا بەلچیکا ب سەرۆکاتیا فلیپ گۆفین وەزیرێ بەرگریێ و دەرڤەیێ وی ولاتی، هەڤدیتنەک نێچیرڤان بارزانی سەرۆکێ هەرێما کوردستانێ بەحسێ پەیوەندیێن دناڤبەرا هەردو ئالیان کر و سۆپاسیا حکومەتا هەرێمێ کر بۆ هاریکاری و پشتەڤانیا وان ژ ئاوارێن بەرێخوە ددەنە وێ دەڤەرێ.
هەروەسا دیار کر، ولاتێ وی دێ بەردەوام بیت لسەر هاریکاریان بۆ عیراق و هەرێمێ د روو ب رووبوونا تیرۆرێ دا، هەروەسا فلیپ گۆڤین بەرهەڤیا وەلاتێ خوە بۆ هاریکاریێن ئابووری و بازرگانیێ نیشان دا.
سەرۆکێ هەرێما کوردستانێ سۆپاسیا بەلجیکا کر بۆ پشتەڤانی و هاریکاریێن وان بۆ هەرێما کوردستانێ د چارچوڤێ هەڤپەیمانیا نێڤدەولەتی دا، گۆت ژی پەیوەندیێن هەرێم وعێراقێ هێشتا پێدڤی ب بەردەوامیا هاریکاریێن هەڤپەیمانێن نێڤدەولەتی هەیە بۆ بەرهەنگاربوونا تیرۆرێ.
