سەرۆکێ هەرێما کوردستانێ پێشوازی ل شاندەکێ ئەلمانی کر
ئەڤرۆ نیوز:
ئەڤرۆ سەرۆکێ هەرێما کوردستانێ پێشوازی ل شاندەکێ ئەلمانی کر، ل هەمبەری بڕیارا وی وەلاتی بۆ دەستپێکرنا مەشق و ڕاهێنانان ب هێزین پێشمەرگەی و هەروەسا ل هەمبەری مانا هێزێن هەڤپەیمانیا نێڤدەولەتیا دژی داعشێ و سوپاسیا ئەلمانیا و هەڤپەیمانان کر و مانا وان ژی ب گرنگ زانی.
ئەڤرۆ دوشەمبی، نێچرڤان بارزانی سەرۆکێ هەرێما کوردستانێ پێشوازی ل یۆرگن هارت و مارکۆس گڕۆبل، پەڕلەمانتارێن ئەلمانیا ل پارتا دیموکراتا مەسیحی( CDU) کر.
د دیدارێ دا پەڕلەمانتارێن ئەلمانیا سوپاسیا حکومەت و گەلێ کوردستانێ کر، ل هەمبەری ڤەحەواندنا ئاوارە و پەنابەران ب تایبەت پێکهاتێن مەسیحیان، گۆتژی ژی، دێ هەموو بزاڤان کەین وەک بەری نوکە ژی کو ئەلمانیا د هاریکاریکرنا حکومەت و گەلێ کوردستانێ دا یا بەردەوام بیت.
پرسا پەیوەندیێن هەرێما کوردستانێ و عێراقێ، ڕەوشا عێراقێ و سوریا و دەڤەرێ ب گشتی، مەترسیا تیرۆرێ و پێدڤیا عێراقێ ب مانا هێزێن هەڤپەیمانیا ناڤدەولەتی دژی تیرۆرێ، چەند تەوەرێن دیێن وێ دیدارێ بوون.
