سەرۆکێ یانا زاخۆ: ھەکە ل ھیڤیا پارێزگەری بین دڤێت وەرزشێ بەتال کەین
ئەڤرۆ، مللەت جەمال:
سەروکێ یانا زاخو دلگرانیا خوە بەرامبەر پشت گوە ھاڤێتنا بەرپرسێن وەرزشی و پارێزگارێ دھوکێ دیارکر کو ھەتا نوکە پسیار ل حالێ وان نەکریە و چەندین جارا داخوازا روونشتنەکێ ل گەل کریە و چو بەرسڤ نەبوییە.
زێدەتر د دیدارەکا تایبەت دا عەبدولوەھاب محەمەد عیسا بۆ رۆژناما ئەڤرۆ گوت: ھەتا نوکە نە پارێزگەرێ دھوکێ و نە ھیچ بەرپرسەکێ وەرزشی ل پارێزگەھێ چ سوز نە داینە مە کو دێ پشتەڤانیا مەکەت و کەسێ ئاگەە ژ حالێ مە نینە کو د چ قەیران دا دەرباز دبین و ھەتا نوکە مە یا برێڤەبری ب ھەر شێوەکێ ھەبیت.
زێدەتر ناڤبری دیارکر ھەکە ب ھیڤیا پارێزگەرێ دھوکێ ڤەبن دڤێت وەرزشێ بەتال کەن، چونکو وان دو جارا داخازا روونشتنەکێ ل گەل کریە و ھەتا نوکە بەرسڤا وان نەدایە و دیارکر ھەکە بتنێ پشتەڤانیا یانا دھوک بکەت ل وی دەمی دێ وان گوتنەکا دی ھەبیت و خواست پشتەڤانیا وان ژی بھێە کرن ھەکە راستا وان وەکو یانا دھوک د ھژمێرن و دیارکر پێدڤیە وەکو ئێک پشتەڤانیا ھەمی یانێن پارێزگەھێ بکەت، چونکو یانا زاخو ژی وەکو یانا دھۆک ل خولا نایابا عیراقێ یاریێ دکەت.
ل دووماھیێ ناڤبری گوت: ھەکە سالانە بتنێ ئێک ملیار بو یانا زاخۆ ب مەزێخن دێ د مەمنون بین سەرەرایی وێ چەندێ ھندەک یانا بتنێ بو وەرزەکی داخازا ١٢ ملیار دیناران کریە و تەحەدی یا ھەر بەرپرسەکێ وەرزشی دکەم بھێت بێژیت ئەڤە چەند سالە من پشتەڤانیا یانا زاخۆ یا کری چونکو چەندین سالە چ بو یانا زاخو نەھاتیەکرن و مە چ جارا ھزر نەکریە کو مە ژی مافەکێ ھەیی ل سەر بەرپرسێن وەرزشی.
