شازده‌ی ته‌باخ
حسنی عه‌لی رێكانی
شازده‌ی ته‌باخ رۆژه‌ك پڕ شه‌نگه
ئه‌لند هه‌لات دا ناڤ و ده‌نگه
رۆناهی به‌لاڤكر وه‌لاتی
كۆمكرن ژێریه‌ك ناڤ تم ره‌نگه
* * *
بارزانی یه سه‌روه‌ر و پێشه‌نگ
بۆ نه‌ته‌وا خوه درێژ كر چه‌نگ
پارتی دیموكراتی كوردستان
راكر ئالا و دۆز ب هێز و سه‌نگ
* * *
پارێزه‌رێ وار دوژمن به‌زاند
ئاخ ل بن پێ نه‌یارا هه‌ژاند
بۆ گه‌ل و نیشتمان بۆ قه‌لات
ته‌ڤ پیلانێن زالما شكاند
* * *
پێشمه‌رگه ب جه‌نگ و به‌رخودان
ل شۆره‌شا ئه‌یلۆن و گولان
ژبۆ ئازادی و سه‌ربه‌ستیێ
ب شانازی تۆمار كر داستان
* * *
ئه‌نفالا ره‌ش زولم و زورداری
خوه‌فرۆش و خیانه‌تكاری
ژبۆ خه‌باتێ نابن ئاسته‌گ
ملله‌ت نابه‌رده رێیا رزگاری
* * *
دیرۆك نه‌خشاندیه و تۆمار كر
هاته نڤیسین و بۆیاخ كر
ب خوینا شه‌هیدێن قه‌هره‌مان
سلاڤ سه‌ربن وان جان فیدا كر
* * *
كاروان دمینیت هه‌رده‌م و چاخ
گول پشكوژ دبیت گولزار و باخ
پێكڤه ژیان و ئاڤه‌دانی
هه‌ر و هه‌ر دمینیت زێندی و ساخ
* * *
دگه‌هن ئه‌و ئارمانج و داخواز
به‌ر ب ده‌وله‌تبوونێ و سه‌فه‌راز
حه‌فتێ و پێنج سال ژی پارتی و سه‌رۆك
پیرۆزه یاد دێ مینیت رێباز
5/8/2021
