شرۆڤه‌كاره‌كێ سیاسى: هێزێن هه‌ڤپه‌یمان كارى بۆ سه‌ربخوه‌یا كوردستانێ دكه‌ن
ئه‌ڤرۆ نیۆز:
شرۆڤه‌كارێ سیاسى و ماموستایێ زانكویا سه‌لاحه‌دین عه‌بدولره‌حمان سه‌دیق د راپۆرته‌كا تایبه‌ت بۆ مالپه‌رێ پارتى دیموكراتى كوردستان دا گۆت: هێزێن هه‌ڤپه‌یمانان نها كارى بۆ سه‌ربخوه‌یا كوردستانێ نه‌ك بۆ ئێك پارچه و ئێكگرتنا ئاخا عیراقێ دكه‌ن.
مامۆستایێ زانویا سه‌لاحه‌دین هه‌روه‌سا خوه‌یاكر، نها شه‌رێ جیهانێ یێ سیێ ژ ئالیێ هێزێن هه‌ڤپه‌یمانان ڤه هاتیه راگه‌هاندن، و ژناڤبرنا سیاسه‌ت و رێككه‌فتنا سایكس پیكویه، به‌لێ ئه‌و هه‌لوه‌شاندنا سنۆرێن هاتینه دانان دڤێت د به‌رژوه‌ندیا كوردان دا بهێته بجهئینان.
بۆ ده‌مێ 2 سالایى ل دووڤ ئێك رۆژناما نیۆیورك تایمز، نه‌خشێ هه‌لوه‌شاندنا سایكس پیكو به‌لاڤ دكه‌ت و دنڤیسیت، رۆژئاڤایا كوردستانێ دێ ڤه‌گه‌ریت سه‌ر هه‌رێما كوردستانێ و ده‌وله‌تا كوردى دێ هێته راگه‌هاندن.
هه‌روه‌سا نڤیسه‌ر و شرۆڤه‌كارێ سیاسى عه‌بدولره‌حمان سه‌دیق ئه‌ڤه چه‌نده نه‌ڤه‌شارت و گۆت نها هێزێن هه‌ڤپه‌یمانان كارێ ژبۆ راگه‌هاندنا ده‌وله‌تا كوردستانێ دكه‌ن.
