شـاهـا مـن

رەمەزان ئیسماعیل گەرەگوهی

ئەی.. شاها مـن
وەكی بەرێ.. وەرە با من
وەرە ب زێڕ و
ب خەلەك و گوستیرێن جوان
وەرە ب زیڤ و مۆری و مەرجان
ئەوێن هینگێ
ل دەم و چاخێن گەنجاتیێ
تە هند دڤیان
وەرە ب خۆشی و قەرەپۆشی و
دەستمالێن خوە
ئەوێن زەر و زەنگالی بووین
سیه سالی بووین
بكە تبل و زەند و باسك و
گەردەنێن خوە
وەكی بەرێ..
پێ بخەملینە و بزڤڕینـە
ڕەنگ و ڕویبار و ڕویێن خوە
وەرە… ب خەنا و
خەناتیتكێن خوە یێن جارا
ئەوێن ل نەورۆز و بهارا
تە جار جارا
پەرچەم و بسك و كەزیێن خوە
دگەل تبل و تەمبەریێن خوە
پێ بۆیاغ و خەنا دكرن
جوان دكرن
جارەكا دی بینە دەرێ و
هێدی هێدی
پاقژ بكە.. ژ تۆز و گەرێ
جارەكا دی
مینا ڕۆژا تو كریە بویك
ل تە خڕڤەبووین
سەرسپی و بەربویك
ژ بوی گۆڤەند و دیلانێ
پێ بۆیاغ و خەنابكە
دلێ من یێ ژار و رەبەن
ژ كەرەما خوە
پێ ئارام و تەنا بكـە و
جارەكا دی
من قورتالكە ژ ڤێ كەسەرێ
من بزڤڕینە ئەشقا بەرێ
ئەی.. دلبـەرێ.

کۆمێنتا تە