شنگال: دا ب پێنج ترۆمبێلێن TNT كرى هێرشێ كه‌نه سه‌ر پێشمه‌رگه‌يى
ئەڤرو نیوز، بارزان مزووری:
فه‌رمانده‌كێ پێشمه‌رگێ كوردستانێ راگه‌هاند كو شڤثدى ل ميحوه‌رێ شنگال پلانه‌كا مه‌زن يا چه‌كدارێن داعش هاته ژناڤبرنن.
رائيد به‌درخان حه‌جى مۆسا ل ميحوه‌رێ شنگال بۆ ئه‌ڤرۆ نيوز گۆت: “ل شه‌ڤا بۆرى رێكه‌فتى 6 ل سه‌ر 7ى تيرمه‌ها 2015ێ پلانه‌كا مه‌زن يا چه‌كدارێن داعش ل شنگال هاته ژناڤبرن كو مه‌ره‌م هه‌بوو هرێشه‌كا به‌رفره‌هـ بكه‌نه سه‌ر هێزێن پێشمه‌رگه‌يى”.
زێده‌تر گۆت: “ب مه‌ره‌م بوون د ناڤ هێرشا خوه دا ب پێنج ترۆمبێلێن TNT كرى هێرشێ بكه‌نه سه‌ر هێزێن پێشمه‌رگه‌يى، به‌لێ ژ لايێ هێزێن پێشمه‌رگه‌يى و فرۆكێن هه‌ڤپه‌يمانان ڤه ئه‌ڤ هێرشه هاته ژناڤبرن و ئه‌و چه‌كدارێن داعش يێن د ناڤ وان ترۆمبێلان دا و ژماره‌كا دى ژى هاتنه سۆتن و كوشتن.
