شه‌رڤانا ئیسرائیلى ل كوبانێ نه‌هاتیه گرتن
ئه‌ڤرۆ نیۆز:
سه‌رۆكێ ده‌سته‌یا به‌ره‌ڤانیكرنا ژ كانتۆنا كوبانێ عسمه‌ت شێخ حه‌سه‌ن دداخویانیه‌كێ دا بۆ تۆڕا وه‌لاتى یا ده‌نگۆباسان په‌یامێ گرتنا شه‌رڤانا كه‌چه‌كا ئیسرائیلى ل كوبانێ ژ ئالیێ چه‌كدارێن تیرۆرستێن داعشێ ڤه ره‌تكر.
شێخ حه‌سه‌ن گۆت: شه‌رڤانا ب ناڤێ (جێل روز نبرج) نه‌گه‌هشتیه كوبانێ هه‌تا بهێته گرتن، دوپاتكر ژى چو راستى بۆ وان ده‌نگۆباسان نینه، ره‌تكر چو شه‌رڤانێن كه‌چێن كورد د یه‌كینه‌یا پاراستنا ژنان دا ل كوبانێ هاتبنه گرتن.
هه‌ژى گۆتنێ یه رۆژناما یه‌دعوت ئه‌حرانۆت یا ئیسرائیلى ده‌نگوباسه‌ك به‌لاڤكریه، شه‌رڤانا ئیسرائیلى یا ل گه‌ل كه‌چێن كوردان ل كوبانێ شه‌ر دژى داعشێ دكر، ب ده‌ستێن چه‌كدارێن تیرۆرى ل كوبانێ هاتیه گرتن.
رۆژناما ئیسرائیلى هه‌روه‌سا دیاركر، هه‌چه‌نده هه‌تا نوكه ب فه‌رمى چه‌كدارێن داعشێ ئه‌و په‌یام راستگۆ نه‌كریه و ب فه‌رمى ده‌سته‌سه‌ركرنا وێ شه‌رڤانێ نه‌هاتیه راگه‌هاند.
ژئالیه‌كێ دیڤه و ژێده‌رێن نه‌فه‌رمى یێن ئیسرائیلى ل گۆڕ رۆژناما شه‌رق ئه‌لئه‌وسه‌ت، دڤچوونا بابه‌تى كریه و راگه‌هاندنا شه‌رڤانا ئیسرائیلى جێل روز نبرج دیاركریه، هه‌ڤده‌م وان ژێدران ژى دوپاتكرن چو پێزانینێن راست ده‌باره‌ى گرتنا وێ شه‌رڤانا ئیسرائلیى ل كوبانێ نینه.