شهش ملیار و 600 ملیۆن دینار ل سهر جۆتیارێن دهۆكێ هاتنه بهلاڤكرن
دهۆك، لهزگین جوقی:
رێڤهبهرێ بازرگانیا دهخل و دانی ل دهۆكێ دیار كر، دوهی گوژمێ شهش ملیار و 600 ملیۆن دینار ل سهر جۆتیارێن پارێزگهها دهۆكێ هاتنه بهلاڤكرن.
نازم محهمهد، رێڤهبهرێ بازرگانیا دهخل و دانی ل دهۆكێ و رێڤهبهرێ سایلۆیا فهیدیێ بۆ رۆژناما ئهڤرۆ راگههاند: “دوهی 26/6/2022 گوژمێ شهش ملیار و 600 ملیۆن دیناران ل سهر جۆتیاران هاتنه بهلاڤكرن، ئهڤه دبیته قووناغا چارێ یا بهلاڤكرنا پارێ گهنمێ جۆتیاران بۆ ئهڤ ساله، سایلۆیا فهیدێ 37 ملیۆن و 442 هزار دینار هاتینه تهرخانكرن، بۆ سایلۆیا شێخان ژی پێنج ملیار و 29 ملیۆن دینار هاتینه تهرخانكرن، بۆ سایلۆیا زاخۆ ژی ملیارهك و 200 ملیۆن دینار هاتینه تهرخانكرن”.
ئاشكرا ژی كر كو ل دووڤ رێزبهندیا وهرگرتنا گهنمێ جۆتیاران ل سایلۆیان دێ جۆتیار پارهیێ خوه یێ گهنمێ ئهڤ ساله ل ههر سێ سایلۆیێن پارێزگهها دهۆكێ وهرگرن و گۆت: “ئهڤ ساله ههر ژ دهمێ دهست ب وهرگرتنا پرۆسهیا گهنمی هاتیه كرن ههتا دوهی 26/6/2022 ل ههر سێ سایلۆیین دهۆكێ پتر ژ 36 هزار تهنێن گهنمی یێن هاتینه وهرگرتن و پرۆسیا وهرگرتنا گهنمی یا بهردهوامه”.
