شیمال محەمەد: ب ئۆمێدین نوونەرێن پارێزگەهێ میدالییێن عەرەبی ب دەستڤە بینن و كار ل سەر هاتیە كرن
دیدارەكێ دا سەرپەرشتێ گشتی یێ یاریێن تیكۆنجتسۆ و سكەیی یا پارێزگەها دهۆكێ دیاركر ل دووماهییا ڤێ مەهێ دێ قارەمانیی و كۆپا عەرەبی ل سەر ئاستێ هەلبژارتیبێن وەلاتان و یانەیبێن وەرزشی ل هۆلا چالاكیێن وەرزشی و دیدەڤانی ل پەروەردەیا رۆژئاڤا هێتە كرن و چار یانەیێن كوردستانی پشكدارن هەروەسان كۆمەكا یاریزانێن مە ژی دێ بۆ هەلبژارتییێ ئیراقێ یاریێ كەن.
زێدەتر شیمال محەمەد گۆت: ب دلخوەشی ڤە پشتی ڕازیبوونا فدراسیۆنا یارییا تیكۆنجتسۆ و سكەی یا عەرەبی ڕازیبووی قارەمانی ل پارێزگەها دهۆكێ بهێتە كرن، پشتی بادەیەكا مێڤانداریێ ب پلەیا نایاب دناڤ فدراسیۆنێ دا وەرگرتی، ئەڤە ژی نیشانێن هەبوونا خالێن سەرەكەفتنا هەر قارەمانییەكێ نە وەكو پێشتر پارێزگەها دهۆكێ مێڤان كری، بڕیارە قارەمانی ل19ێ هەتا 23ێ چریا دویێ یا بهێت دەستپێكەت ژ پارێزگەها دهۆكێ هەر ئێك ژ یانەیێن، دهۆك، پیرس، یانەیا ئافرەتێن دهۆك و دبیت یانەیەكا دی ژی زێدەبكەین كو دێ ل ئاستێ كوڕان و كچان پشكداربن.
ناڤهاتی ئەوچەندە ژی گۆت: گرنگییا ڤێ قارەمانییێ ب هەبوونا هەڤڕكیێ ل سەر ناسناڤی یە و دڤێن كوڕ و كچێن مە ب دەلیڤە بینن ژبۆ وەرگرتنا ڕێزێن ئێكێ، ب ئۆمێدین نوونەرێن پارێزگەهێ میدالیێن عەرەبی ب دەستڤە بینن و كار ل سەر هاتیە كرن كوب ۆ پرانییا كێشێن لەشی یێن یاریزانان، هەرچەندە ئەركێ مە ب سانەهی نابیت ژبەركو هەلبژارتیێن عەەرەبی و یاریزان هەنە شێانێن وان گەلەك باشترن
ل دووماهییێ شیمال محەمەدی سپاسیێن خوە ئاراستەیی پارێزگارێ دهۆكێ و بەرپرسێن وەرزشی كر و گۆت: سوپاسی بۆ پارێزگارێ دهۆكێ و سەرۆكێ لژنەیا ئۆلمپی و ڕێڤەبەرێ وەرزشی ل پارێزگەهێ پشتەڤان و هاریكارێن مە بووینە و هەتا نوكە ژی و ئینانا قارەمانییێ بۆ پارێزگەهێ ژی دەستكەڤتەكێ دی یێ وەرزشیی یە و هێزەكا دی ددەتە یاریزانێن مە كو مفایی ژێ وەربگرن و ب گەهنە پلێن مەزن، هەموو هیڤی و ئۆمێدێن مە ئەوە ژ لایێ ڕێكخستنێ ڤە جوانترین مێڤانداری بیت و ژلایێ ئەنجامان دەستكەفتێن ژ هەژی و ناسناڤان دەستڤە بینین.