شەڤپەرێس
عەلی بەندی
لڤین و هێرشێن من
هەمی ب شەڤن
ئەز و شەڤ ركابەرین
جارنا هەڤال جێمكین،
ژ كەلیژانا ژ عشقا كەهی
دبم هەسپەك فال
سینگێ شەڤێ دكەلێشم
ل سەر كەلەخێن رویس و
پەسارێن شەمامۆكێن هەلاویستی
شۆپێن شەڤێ
بۆ حەزێن رۆمانسی
دكەمە ئالیك،
ل كێلەكا شەڤپەرێسێن
غەریزێن من
مەملەكەتا خەون و حەزان
لەشێ بگلیزانك هەمبێز دكەم،
پەهلەوانێ یاریێن ب شەڤم،
كبماخ ڤان هزرێن رویس
شەپرزە دبن بێ هۆش دبن
د ناخێ خۆدا هەرێ دكەلم
دبم كۆچەرەك
ل زۆم زۆزانێن
من بۆ دلێ خۆ ژێگرتین
پاوانكرین
ل ناڤ حەودا دلا
بێ سانسۆر و هەڤڕك
دێ ل ناڤ دا گەڕم.
