عه‌بدولمه‌هدى:مووچێ خودان پلێن بلند دێ بنيڤى كه‌ين ومووچه بۆ بێكاران دێ هه‌بيت
ئه‌ڤرۆ نيوز:
سه‌رۆك وه‌زيرێن عيراقێ، عادل عه‌بدولمه‌هدى، ئه‌ڤرۆ ئه‌ينيێ 25/10/2019 راگه‌هاند، دێ رێ ل گه‌نده‌ليێ گرين و به‌رپرسان ژى دێ ئێخينه د بن چاڤدێريا قانوونێ ونابيت گرۆپێن چه‌كدار حزبێن سياسى هه‌بن.
عه‌بدولمه‌هدى گۆت ژى”مووچێ خودان پلێن بلند دێ بۆ نيڤێ كێم كه‌ين، ئاستێ مووچان ژى دێ لێك نێزيك كه‌ين و ب رێيا چه‌ند پرۆژان دێ ده‌ليڤێن كارى دابين كه‌ين و مووچێ 130 هزار دينارى دێ بۆ هه‌ر بێكاره‌كێ مه‌زێخين”.
هه‌روه‌سا گۆت” رێ ب وان كه‌سان ناهێته دان كو په‌يوه‌ندى ب هێزێن ئه‌منى ڤ هه‌ى، حزبان پێكبينن و دڤێت هه‌موو لايه‌نێن كو په‌يوه‌دنى ب پاره و پرۆپاگندان ڤه هه‌ى ئاشكرا بكه‌ن و نابيت گرۆپێن چه‌كدار حزبێن سياسى هه‌بن و دڤێت ئه‌و گرۆپێن چه‌كدارى كو ل ده‌مێ بۆرى ب هه‌ر ئه‌گه‌ره‌كى دروست بووين، چه‌كێن خوه پاڤێژن و ببنه حزبين سياسى يان ژى ببنه پشكه‌ك ژ هێزێن ئه‌منى”.