عومهر ئۆرهی: ئارمانجا پارتی خزمهتكرنا خهلكێ كوردستانێ یه
ئامێدیێ، مهحمود نهێلی:
بهرپرسێ لقێ 18 یێ پارتی دیموكراتی كوردستان دوهی د سمینارهكێ دا بۆ فهرمانبهر و رێڤهبهرێن میری ل دهڤهرێ باسی وان پرۆژێن خزمهتگۆزاری كر یێن ژ لایێ حوكمهتا ههرێما كوردستانێ ڤه دهێنه ئهنجامدان و دبێژیت: ئارمانجا پارتی دیموكراتی كوردستان ههر ژ رۆژا دامهزراندنێ و ههتا ئهڤرۆ خزمهتكرنا گهل و وهلاتی یه.
عومهر ئۆرهی، بهرپرسێ لقێ 18 دیار ژی كر، خزمهتگۆزاری ب رێیا دام و دهزگههێن حكومی بۆ وهلاتیان دهێنه پێشكێشكرن و رێڤهبهرێن وان ژی بهرپرسێن ئێكێنه و گۆت: “پێدڤیه رێڤهبهر ل جهێ باوهریا پارتا خوه و خهلكێ خوه بن و باشترین خزمهتگۆزاریان پێشكێش بكهن و ل دووڤ رێبازا بارزانیێ نهمر و پارتیا خوه بن”.
گۆتژی: “پارتی یا هاتیه دامهزراندن، داكو ڤی مللهتی بگههینیته كنارهكێ ئارام و ب ههموو خهونێن خوه شاد بیت، مللهتێ مه ژ ههژی باشترین خزمهته و ههردهم پارتی ب ژڤانه زێدهتر خزمهتا گهل و وهلاتێ خوه بكهت”.
دیسا ههر دوهی بهرپرسێ لقێ 18 دو سمینارێن جودا ل كۆمهلگهها بریفكا و ناحیا كانی ماسێ پێشكێشی خهلكێ دهڤهرا بهرواری بالا كرن و تێدا باسی ههلبژارتنان و رهوشا دهڤهرێ ژلایێ تهناهی و خزمهتگۆزاریان ڤه هاته كرن و گۆت: “دڤێت خهلكێ مه یێ خوهشتڤی یێ سهربلند بیت كو خودانێن پارتیهكن دیرۆكا وێ یا پری سهروهری و خهبات و قوربانی بیت، لهوما دڤێت ب دهنگێ خوه جارهكا دی بۆ دوست و نهیاران بسهلمینین ب تنێ پارتی بهرهڤانێ مافێن رهوایێن خهلكێ كوردستانێ یه”.
زێدهتر گۆت: “ژ بهر گرنگیا ئهڤان ههلبژارتنان و مانهڤهیا سهنگا كوردان ل بهغدا ژ بۆ پتر ب دهستڤهئینان و بهرگریكرن ژ مافێن رهوایێن خهلكێ ههرێما كوردستانێ و ههستكرن ب بهرپرسایهتیێ یا پێدڤیه خهلكێ مه یێ خوهشتڤی و خوهراگرێ دهڤهرا بهرواری بالا ب ههموو تهخ و تویژێن خوهڤه قهستا سهر سندۆقێن دهنگدانێ بكهن و دهنگی بدهنه بهربژارێن پارتی”.
