عەرەبستانا سعوودیێ ل دژی شەڕێ ئیران و ئسرائیلێ یە
وەزیرێ دەرڤە یێ عەرەبستانێ د داخۆیانیەکێ دا دیار کر، نها رەوشا رۆژهەلاتا ناڤین گەلەک ئالۆزە و ترامپی ژی دیار کریە ئەو دێ کار بۆ ئاشتیێ کەت، وەکو عەرەبستان ئەو پشتەڤانیێ ل بزاڤێن ترامپی بۆ ئاشتیێ دکەن و هەروەسا دڤێت ئەمریکا رێ نەدەت چو شەڕێن نوو ل دەڤەرێ روو بدەن، ب تایبەتی ژی نها مەترسیا شەڕەکێ نوو ل دەڤەرێ هەیە و ئەو ژی شەڕێ ئیران و ئسرائیلێ یە.
فەیسەل بن فەرحان ئەو یەک ژی دیار کر، هەکە شەڕەک د ناڤبەرا ئیران و ئسرائیلێ دا روو بدەت دێ ئەو یەک بیتە ئەگەرێ شەڕەکێ مەزن ل هەموو رۆژهەلاتا ناڤین، چونکی گەلەک هێزێن چەکدار ل رۆژهەلاتا ناڤین دێ بنە پشکەک ژ شەڕی و ئەو یەک دێ کاریگەریا خوە یا گەلەک خراب ل هەموو دەڤەرێ کەت، ژ بەر ڤێ یەکێ ژی ئەو هیڤیدارن ترامپ رێ نەدەت چو شەڕ د ناڤبەرا ئیران و ئسرائیلێ دا روو بدەن.
