فرۆكه‌یێن توركیا ل بامه‌رنێ ترۆمبێلەک كرە ئارمانج
ئه‌ڤرۆ نیوز، مه‌حمود نهێلی :
رێڤه‌به‌رێ ناحیا بامه‌رنێ بۆ ئه‌ڤرۆ نیوز دیاركر، كو ده‌مه‌كى كێم به‌رى نوكه فرۆكه‌یێن توركیا ل نێزیک گوندێ ئەرەدنا ل سنورێ ناحیا بامەرنێ بوردومانکر و د ئه‌نجامێ دا ترۆَمبێلەک كرینه ئارمانج.
حه‌مید زوبه‌یر رێڤه‌به‌رێ ناحیا بامه‌رنێ بۆ ئه‌ڤرۆ نیوز گۆت : ئەڤرۆ ١٤/٨/٢٠٢٠ فرۆکەیێن تورکیا ترۆمبێلەک ل نێزیک مینومێنتا گوندێ ئەرەدنا یێ سەر ب ناحیا بامەرنێ کریە ئارمانج و گۆت : د وێ تورۆمبێلێ دا کو ژ جورێ سیراتو بوو سێ کەس هەبووینە کو دو ژ وانا شەهید بوونە و ئێک ژی ب گرانی بریندار بوویە و ئاشکرا کر، هێشتا دیار نینە کا قوربانیێن ڤێ بوردومانێ، گەریلایێن پەکەکێ نە یان ژی هاولاتیێن سڤیلن .
