فرۆكڤانێن به‌عسى یێن عیراقێ راهێنانێن فرۆكڤانیێ ب داعشێ دكه‌ن
ئه‌ڤرۆ نیۆز:
رۆیته‌رز: له‌شكرێ ئه‌مریكى گۆت مه چو پێزانین ل دۆر فرۆكێن ئه‌سمانى یێن داعشێ ل وه‌لاتێ سوریا نینه، پشتى ده‌زگه‌هێ چاڤدێریا مافێن مرۆڤى ل سوریا راگه‌هاندى، چه‌كدارێن رێكخستنا ده‌وله‌تا ئیسلامى داعشێ ل سه‌ر ده‌ستێ فرۆكه‌ڤانێن به‌رێ یێن عیراقێ مه‌شق و راهێنان ل سه‌ر 3 فرۆكا كو دده‌ستێن واندانه ل سورى دكه‌ن.
په‌یڤدارێ ب ناڤێ ناڤه‌ندنا له‌شكرێ ئه‌مریكى كولۆنێل پاتریك رایدر گۆت: ئه‌مریكا چو پێزانین ل دۆر ڤى بابه‌تى نینه، هه‌تا نها ژى چو ده‌ركه‌فتنێن وان فرۆكان ل ئه‌سمانێ سوریا نه‌هاتینه ئه‌نجامدان.
به‌رى نها رامى عه‌بدلوره‌حمان رێڤه‌به‌رێ ده‌زگه‌هێ چاڤدێریا سورى راگه‌هاند بوو، پشتى چه‌كدارێن داعشێ 3 فرۆكێن سورى د شه‌ره‌كى دا ده‌سته‌سه‌ركرین ل بنگه‌هێ له‌شكریێ حه‌له‌بێ نها مه‌شق و راهێنان ل سه‌ر فرینا وان دكه‌ن.