فرۆكێن توركى گوندێ سپيندارێ تۆپبارانكر وسێ وه‌لاتى برينداركرن
ئه‌ڤرۆ نيوز:
ئێڤاريا ئه‌ڤرۆ پێنجشه‌مبى 18/7/2019 له‌شكرێ توركى ب دو مۆشه‌كان گوندێ سپيندارێ ل ناحيا چه‌مانكێ ل قه‌زا ئامێديێ توپبارانكر و دئه‌نجامدا سێ وه‌لاتى بريندار بوون وهاتنه هنارتن بۆ نه‌خوه‌شخانێن باژێرێ دهۆكێ.
پشتى فرۆكه‌كا له‌شكرێ توركى چاڤدێريا ترومبێله‌كا چه‌كدارێن په‌كه‌كێ كرى، ل دووڤ كوردستان 24، ترومبێلا ناڤبرى چوو د ناڤ گوندێ سپيندارێ وفرۆكان ژى نێزيك ترومبێلا وان چه‌كداران تۆپبارانكر د ئه‌نجامدا چه‌ند وه‌لاتى بريندار بوون، پشتى تۆپبارانكرنێ ژى سێ چه‌كدارێن په‌كه‌كێ كو د ترومبێلێ دا بوون، د ناڤ گوندى دا ژ لايێ وه‌لاتيان وه‌كو ديل هاتنه ده‌سته‌سه‌ركرن كو ژ ئه‌گه‌رێ وان گوندێ ناڤبرى هاته بوردومانكرن”.
