فلمهفیستهڤالا دهۆك ..مخابن!
پینج گهرێن فیستهڤالانه ساڵ بۆ سالێ دلێ من خۆشتر لێدهات ب گیرانا فیستهڤالا نێڤدهولهتیا فلمان ل باژێرى دهۆكێ. حهتا نوكه ل بن سێبهرا ئهڤێ فیستهڤالێ ئهز خهونێ ب وێ ئێكى دبینم كو دهۆك ببیته باژێرى سینهمایا كوردان وهكى بۆلیوود و هۆلیوود مهژى ل دهۆكى (كوردیۆد) ههبیت… چار فیستیڤاله جار بۆ جارێ دلێ من خۆشتر لیدهات. ب مخابنى ڤه دبێژم ئهڤ ساله ل گهرا پێنجى یا فیستیڤالێ چار فیستڤال ئهم زڤرینه پاش ب شیوهیهكى گشتى ئهگهر بینهر و ئامادهبوویان بهرێ خوه دابا لایهنین تهكنیكیا فیستهڤالێ گهلهك كێماسى دهاتنه بهر چاڤێ مرۆڤى ئهز دێ كۆمهكا ئهگهران دیار كهم كو هۆكار بوون بۆ پێشنه ئێخستنا فیستیڤالا ئهڤ ساله مینا:
ئێك: بوونا پارێزگارێ دهۆكى ب سهرۆكى فیستهڤالێ، پارێزگار دڤیا سپۆنسهر و پارهیان بۆ فیستیڤالى كۆم بكهت و كهسهكا دى راسپاردبا بۆ سهرۆكایهتیا فیستیڤالێ حهتا شیا با ئیدارهیا فیستیڤالێ بریڤه ببهت ب شیوهیهكێ جوانتر. چونكى پارێزگار سهرۆكى ئێكى یا كارگیریا پارێزگهها دهۆكى یه و كارهكا زۆر ل سهر شانی یه و نهشیت ههمى دهمان د ناڤ فیستیڤالى دا بهرههڤ ببیت. نهخاسمه ل سهر وهختهكى دا كو مللهت و دهۆك ههمى یا مژووله ب ریفراندۆما ههرێمێ ڤه. بهلگى ژى بۆ وى چهندى سهرۆكى فیستیڤالى ب تنێ شیا رۆژهك و سهعاتهكى بتنى د ناڤ فیستیڤالى دا بهرههڤ ببیت.
دو: نهبوونا دیزانهكا جوان و سلایتهكا بهركهفتى بۆ پاكگراوهندیا ستێجا فیستهڤالى و ریكخستن و تهنسیق لاواز بوو .
سێ : گرنگى نهدان ب فیستهڤالى ژلایى دهستگههین راگههاندنێ و دیار كرنا كهسهكێ ب رهگهز عهرهب (مسرى) وهكى بهرپرسى راگههاندنا فیستهڤالێ، كو چ ژ زمانێ كوردى و ناڤێن كهناڵ و دهستگههین راگههاندنان نهدزانى.
چار : بریڤهچوونا ریورهسما دووماهیكى یا فلم فیستهڤالى و فیستهڤالا سهرخۆبوون و ریفراندۆمى د ئێك كاتى و دوو جهێن جیاوازدا. بویه ئهگهرا وى یهكى كو چهند كهسهكا كێم ئامادهیى فیستهڤالى بوون و ب ستاف و مهڤان و كارمهندان هیشتا نیڤهكا هۆلا فیستهڤالى تژى نهبوو. ئهڤهژى د زڤریت بۆ كیم تهرخهمیا سهرۆكى فیستیڤالێ كو د ئێك دهمدا دوو فیستیڤال بریڤه برن و دشیا ل شونا هندى د دوو دهمین جودا فیستیڤال بریڤه بربا و جهنابێ سهرۆكى ههرێمى ژى داخاز كربا بۆ ناڤ فیستهڤالێ و ئامادهبوونا وى بهرسڤهكا دی بوو بۆ دوژمنیت گهلێ مه كو ئهم دشین ب ریكا سینهمایى ژى پشتگیریا سهرخۆبوونى بكهین.
پێنج : بانگیشت نهكرنا ئهكتهرین ستێر و ناڤدارین بیانى بۆ فیستیڤالێ و پشكدارى پێ نهكرنا فلمین بناڤ و دهنگێن جیهانى.
شهش : گرنگى نهدان ب فلمین بۆلیوودى ، كو خودان بینهرهكى تایبهته ل كۆمهلگهها كوردى و رۆژههلاتا ناڤین.
حهفت: پشتئیخستنا ستاف و سهرۆكى فیستهڤالى بۆ رێڤهبهریا گشتى یا رهوشهنبیرى و هونهرى كو سازیهكا تایبهته بۆ ڤێ كارى و چوار گهره شیایه فیستیڤالى گهلهك جوان برێڤه ببهت.
هیڤى دارم بۆ سالین داهاتى ئهڤ فیستهڤاله پتر پێشڤهچوونى بخۆڤه بینیت و ببیته دهرگهههك بۆ پێشڤهبرنا سینهمایا كوردى ل باشوورێ كوردستانێ.
