فلمێ قوربان يێ پشکدارە د فیستەڤالا دھۆک یا شەشێ دا
ئەڤرۆ نيوز:
دەرھێنەرێ فلمی ئاشکراکر کو فلمێ (قوربان) بۆ جارا ئێکێ ل فلمە فیستەڤالا دھۆک یا شەشێ دێ ھێتە نیشادان، ل چەندین فلمە فیستەڤالێن دەولی یێن بناڤ و دەنگ ژی ھاتیە وەرگرتن و چیرۆک جڤاکی یە.
رزگار حسێن دەرھێنەرێ فلمێ(قوربان) بۆ بەرپەرێ ھونەری گۆت: فلمێ (قوربان) ل (35) مین فلمە فیستەڤالا نیڤ دەولەتی یا بۆ گوتا ل وەلاتێ کولومپا ل گەل شەش فلمێن دی وەلاتێن (بەرازیل، پیرۆ، مەکسیک، کوریا باشور، ئیگوادوور) دبەریکانێ دایە، دیسا ل پشکا بەریکانێ یا فیستەڤالا (بەیرۆتێ) فیستەڤالا نیڤ دەولەتی یا (جاگارتا) ل (نیودلھی) ل فیستەڤالا نیڤ دەولەتی Film Festival Luchezarny Angel ل وەلاتێ روسیا پشکدارە.
دەرھێنەرێ فلمی ئەو ژی ئاشکراکر کو ماوێ فلمی (63) خولەکن و ئەکتەرێ سەرەکیێ فلمی ھونەرمەندێ کورد(حسێن حەسەن) گەلەک ھونەرمەندێن دەڤەرا بەھدینان تێدا دپشکدارن(عەمەر توڤی، ماجد وەیسی، عادل عەبدوالرحمان، عەبدوالسلام سلێمان) بەرھەمێ فلمی، خودێ ژێ رازی(یوسف حسێن)ە.
دەرھێنەرێ ناڤبری ئەو ژی ئاشکراکر کو فلمێ (قوربان) رۆژێن بوری ل فیستەڤالا (12) مونت ل وەلاتێ رۆمانیا خەلاتێ دووێ ب دەست خوە ڤە ئینا.
دەرھێنەرێ فلمی گۆتژی: کامیرە (مەنسور زوھوری) ھاریکارێ دەرھێنەری(حسێن حەسەن) مونتێر( مەیسەم کەمالی) مۆزیک(روزبە موسلح) دیزاین(ھاشم شاجی) دەنگ(سەردار بابەکر) رەنگ(ھوتەن حەقشناس) رێڤەبەرێ بەرھەمی (رزگار عەبدۆللا)
