فۆئاد حسێن پێزانینێن ( CIA) راستڤه‌كرن
ئه‌ڤرۆ نیۆز:
دداخویانیه‌كێ دا سه‌رۆكێ دیوانا سه‌رۆكاتیا هه‌رێما كوردستانێ فوئاد حسێن راگه‌هاند، چه‌كدارێن داعشێ ب سه‌ده‌هان هه‌زار چه‌كدراێن ب هێز ل خوه خڕڤه‌كرینه، ئه‌و ژى گه‌له‌ك پتره ژ پێزانینێن به‌رێ یێن ئاژانسا هه‌الگیریا ناڤه‌ندیا ئه‌مریكى (CIA) به‌لاڤكرین.
فۆئاد حسێن بۆ رۆژناما (ئه‌ندیپندێت) یا به‌ریتانى گۆت: شیانێن چه‌كدارێن داعشێ ل سه‌ر رووب رووبونا د گه‌له‌ك میحوه‌ران دا و به‌رۆكێن شه‌رى یێن به‌رفه‌ره ل عیراق و سوریا، دیاره كو هه‌ر چنه بیت هژمارا چه‌كدارێن وێ 250 هه‌زار چه‌كدارن، ئانكو پتر ژ (7 هه‌تا 8) جاران ژ وان پێزانێن هه‌والكیریا ئه‌مریكى به‌لاڤكرین كو رێژا وانا بتنێ 31 هه‌زار چه‌كدارن.
هه‌روه‌سا گۆت، ڤێرێ ئه‌ز به‌حسێ ب سه‌ده‌ها هه‌زار چه‌كداران دكه‌م، چونكى ئه‌و دشێن گه‌نجێن عه‌ره‌ب ل وان ده‌ڤه‌رێن كونترۆل كرین ب هه‌مان مه‌به‌ست بكاربینن، كو رێژا ئاكنجیبوونا خه‌لكى ژ 10 ملیون هه‌تا 12 ملیۆن مرۆڤایه د رووبه‌ركێ دا كو نێزیكى 250 هه‌زار كیلومترێن چارگۆشه‌یه، كو پتر ژ قه‌بارێ وه‌لاتێ به‌ریتانیا، ئه‌ڤه ژى دێ بیته شیانه‌كا باش بۆ په‌یداكرنا چه‌كداران.
