فێستيڤالا بەروارییان.. لێکدانا سێکوچکا ئابوورا خۆمالی، کولتوورێ ڕەسەن و گەشتوگوزارا پاییزێ
عەبدولسەلام شێخ مستەفا
د ناڤ جەرگێ سروشتێ بەهەشتیا دەڤەرا بەرواریان دا، فێستڤالا سالانە یا بەرهەمێن خۆماڵی وەکی ڕوودانەکا کولتووری و ئابووری یا ب ئەدەبی دهێتە ناسین. ئەڤ فێستڤالە بتنێ جەژنەکا وەرزی نینە، بەلکو ستووینەکا سەرەکی یا گەشەپێدانا گوندان و هاندەرەکێ مەزنە بۆ ڤەژاندنا ئەو دەڤەرێن دوور ژ ناڤەندی یێن کو ل بن گەفێن جۆراوجۆر دانە.
وەرزێ پاییزێ ل بەرواریا ب ڕەنگێن خۆ یێن زێڕین و سیمایەکا ئەفسانەی، دیزاینەکا سروشتی یا کەشخە پێشکێشی چاڤان دکەت. ئەڤ جوانییە دەرفەتەکا زێڕینە بۆ دروستکرنا ناڤەرۆکا کوالێتیا بەرز. ب ڕێیا بەلاڤکرنا کەمپینێن ئەلیکترۆنی و بکارئینانا بەرهەمێ خۆماڵی، پاییزیا بەروارییان، و گوندێن مە، ئەڤ کولتوور و جوانییە سنووران دەرباز دکەت و دگەهیتە ناڤ دڵێ هزاران ئارەزوومەندێن کولتوور و سروشتی.
ژ چیرۆکێن ماندیبوونێ بۆ ڕێزگرتنا جڤاكی
ل پشت هەر بەرهەمەکێ کەشخە، چیرۆکەکا پڕ ژ خەبات و رەوشەکا دژوار یا جۆتیارەکێ کورد هەست پێ دهێتە کرن. نیشادانا ڤان چیرۆکان د قالبێ ناڤەرۆکێن دیجیتالی دا، کارلێکرنەکا ب هێز ل سەر تۆڕێن جڤاكی پەیدا دکەت. د فەرهەنگا کوردی دا، پاییز وەرزێ «کۆمکرنا بەرەکەتێ» بەرهەڤکرن و دابینکرنا پێدڤیێن زڤستانێ یە. جەختکرن ل سەر بەرهەمێ خۆماڵی، ڕێزگرتنە ل هەمبەرێ هزرا ئەخلاقی و کەدا وە یا دژوار کو ماندیبوونا وێ سەربەخۆییێ دئافرینیت.
ئەڤ فێستڤالە گیانێ هەڤکاری و ئێکرێزیێ د ناڤ جڤاکێ دا نوو دکەتەڤە. شادبوونا ئامادەبوویان بتنێ بۆ ئاڵۆگۆڕا بازرگانی و کڕین و فرۆشتنێ نینە؛ بەلکو ڕوودانەکا جەماوەری یە بۆ زێدەکرنا پەیوەندیێن جڤاکی، نیاسینا کەلەپوورێ دێرینێ دەڤەرێ و گوهۆڕینا کەیفخۆشیێ ل بن سیبەرا ئێكگرتنێ.
درووشمێ «ئەڤە دێ هەر ساڵ بەردەوام بت»، بەلێن و متمانەیەکا ب هێز ددەتە جۆتیار و بازرگانێن دەڤەرێ کو ڕەنج و ماندیبوونا وان ب خۆڕایی ناچێت. پشتەڤانیکرنا بەرهەمێ نیشتیمانی بزاڤەکا کاتی و وەرزی نینە، بەڵکو ڕێبازەکا نەگۆڕە بۆ پشتڕاستکرنا ئاسایشا خۆراکی
بەرزکرنا گیانێ نیشتیمانی و هەستکرن ب سەربەخۆییێ گەشەپێدانا گەشتوگۆزارا چاندنێ ئەڤ سێکۆچکە ب هەڤڕا، فێستڤالا بەروارییان دکەنە نەریتەکێ سالانە یێ پڕ بها و سەرمایەیەکێ نەتەوەیی کو هەژی پاراستن و گەشەپێدانا بەردەوامە.
