فەستیڤالا دهۆكێ ل ئاستەکێ جیهانی بوو
سندس سالح سلێڤانەیی:
دەرهێنەر (رۆژا مەرزەنگ) د دیدارەكێ دا بۆ رۆژنامەیا ئەڤرۆ گۆت: خۆشحال بووم بۆ جارا ئێكێ ب فلمەكێ دكیۆمەنتاری من پشكداری دفلمە فەستیڤالا دهۆكێ دا كری و ل دەف من ئەڤ فەستیڤالە ل ئاستێ یێن جیهانی بوو.
هەروەسا گۆت: مخابن ل رۆژهەلاتێ كوردستانێ ئەم نەشیێن بڤی رەنگی كارێن سینەمایی بكەین، ب تایبەت بۆ ژنان یا ب زەحمەتە و ئاستەنگ دزۆرن، لێ د هەمان دەمدا كچ و ژنێن خوین گەرم هەنە حەزدكەن بهێنە دناڤ وارێ سینەمایێ دا كاربكەن، لێ زوو ب زوو دەلیڤەیا خوە نابینن و ئەز دبێژمە وان وەرنە پێش و شیانێن خوە دیاربكەن، ، ئانكو نەترسن و دەست ب چێكرنا فلمان بكەن و دێ هەر رۆژەك هێت سەركەڤن و ئەم ژی دێ پشتەڤان بین.
