قارەمانییا ئەڤ سالە ب هەموو پیڤەرێن خوەڤە جودا بوو و هەڤڕكییەكا ب هێز دهاتە كرن
شاهۆ فەرید:
د داخویانیەكێ دا جێگریێ سەرۆكێ فێدارسیونا یارییا بلیاردێ ل پارێزگەها دهۆكێ ئەحمەد سەلاح بۆ رۆژنامەیا ئەڤرۆ دیار كر ژبۆ زێدەتر پێشكەفتن و بلندكرنا ئاستێ یاریزانێن مە و لژێر چاڤدێریا لژنەیا ئۆلمپییا دهۆكێ مە دو قارەمانیێن جودا ل سەر ئاستێ یاریزانێن پێشكەفتی و لاوان ڕێكئێخست و یا جهێ خوەشحالیێ كۆمەكا باش یا یاریزانێن خودان شیان هاتنە دیتن.
هەروەسان ناڤهاتی گۆت: مەرەما سەرەكی یا ڕێكخستنا قارەمانیێ بۆ زانینا ئاست و شیانێن یاریزانێن مە كو هەموو ل سەر ئاستێ پارێزگەها دهوكێ و ئیدارا سەربخوەیا زاخۆ پشكداربوون، هەرچەندە گوهۆڕین د سیستەمێ قارەمانیێ دا هەبوو و شێوازیێ ئەڤ جارە جێوازتر بوو ژ یێن پێشتر، چونكو دو قارمانی هاتنە ئەنجامدان بۆ یاریزانێن پێشكەفتی و هەشت یاریزان ژ ئاستێ لاوان هاتنە ئەنجامدان پشكداریا پێنجی یاریزانان كو یێ گشتی، ئێك ژ یاریزانێن پشكدار ل سەر ئاستێ لاوان دا باشترین یاریزانە ل سەر ئاستێ ئیراقێ و پشكداربوو دقارەمانیێ دا، هەموو یاریزانێن پشكدار خودان ئاستێن بلندبوون، یاریی سەر شێوەیێ كەفتنا ئێك جاری بۆ و ئەڤ قارەمانیە هولا كافیا ناین بال هاتەئەنجامدان، ل سەر ئاستێ پێشكەفتیان یاریزان بلند محەمەد بۆ قارەمانێ پارێزگەهێ و سەر ئاستێ لاوان ژی سیدار سەگڤان بۆ قارەمانێ پارێزگەهێ.
ئەحمەدی گۆت ژی: بۆ ماوەیێ دو رۆژا قارەمانیێ هاتە ئەنجامدان، یاریزانێن باش دناڤا قارەمانیێ دابوون كو ئاست بلند هاتنە دیتن، سەرانسەری پارێزگەهێ پشكدار بوون، بەرهەڤی دهێنەكرن بۆ قارەماینا سالانە یا سنوكەرێ ژی دەمەكێ دی هێتە ئەنجامدان.
