قانوونا كاری ل هەرێمێ هاتە پەسەندكرن
هەولێر، قائید میرۆ:
پەرلەمانێ كوردستانێ قانوونا كاری پەسەندكر و بۆ جارا ئێكێ یە هەرێما كوردستانێ ببیتە خودان قانوونا كاری و چەندین مادەیێن گرنگ ب ژیانا كرێكارانڤە ب خوەڤە دگریت ژ وان ژی: پاراستنا مافێ زارۆك و ژنان.
ل گورەی پڕۆژەقانوونا كاری، كو ژ لایێ وەزارەتا كارڤە هاتیە بەرهەڤكرن تێدا هاتیە: «نابیت كرێكار زێدەتری هەشت دەمژمێران كار بكەت و مووچێ كرێكاری نابیت ژ 450 هزار دیناران كێمتر بیت، د دەمێ نەساخیێ پشتی هەبوونا راپۆرتا نۆشداری كرێكاری ماف هەیە بۆ دەمێ 30 رۆژان نەچیتە سەر كاری و مووچە ژی بۆ بهێتە مەزاختن، هەر ل گورەی قانوونا كاری هەر جهەكێ 50 ئافرەت تێدا كار بكەن پێدڤیە داینگەهەك بۆ بهێتە ڤەكرن».
هەر ل گورەی قانوونا كاری سنێلەیێن ژییێ وان د ناڤبەرا 15 بۆ 18 سالیێ دا نابیت حەفتیێ زێدەتری 40 دەمژمێران كار بكەن و هەموو مافێن وان ژی بهێنە پاراستن، هەروەسا یەكسانیا رەگەزی د كاری دا هەبیت و مافێن كرێكاری ل گەل خودانكاران هاتینە پاراستن و رێكخستن د هەموو بیاڤان دا.
