قهد ڤێ جارێ مێژوو دهرحهقێ كوردستانێ دووباره نابیت !!!
زۆربهیی ههرا زۆرا خهلكی و بیرمهندا و مێژوو نڤیسا و زانایان د بێژن كو ههردهم دهلیڤه ژ كوردان چووینه سهدهم ژی ناڤ مالا كوردی ئێك نهبوویه !! و ههردهم كوردان جه و وارێن وان تلان بووینه و توشی كاراساتا بووینه چنكو فتنه و پیلانێن نافخوهیی ههبووینه !! دهمی گهلهك غهدر ل كوردان كریه كو ئهو دهلیڤه نهبوویه خوه رێك بێخیت تا مافێن خوه بدهستڤه بینیت و ئهگهر ژی كو لایهنێن كوردی دژی ئێك بووینه !!
ئهگهر ل مێژوویا كوردان بزڤڕین د زانین كو ئهڤ تهخ و چینێن ل سهری مه بهحس كرین وێنێ دروستێ مێژوویی نیشا خهلكی نادهن یان دروست بهلگێن مێژوویێ شروَڤه ناكهن یان ههموو بهلگا ناخوونن ! چنكو بدرێژیا مێژوویا كوردی ههر ژ سهردهمێ مێرنشینا و تا شوَڕهشێن كوردی یێن بهری شهرێ جیهانی یێ ئێكێ و تا پشتی شهرێ جیهانی یێ دووێ و دروست بوونا پارتێن كوردی و شوَڕهشا ئهیلولێ و گولانێ و تا سهرهلدانا سالا 1991! ل ههر سهردهمهكی دوژمنان ههولدایه نههێلێن كوردان ئێك مهرجهع ههبیت یان ههموو ل دوور ئێك سهركرده كوَمببن چنكو باش دزانی ئهڤ چهنده دبیته ئهگهر كورد زوو بگههنه ئارمانجێن خوه!!
لهورا ههولێن وان ئهو بوون ل سهردهمێ مێرنشینا، میرنشین بهرامبهر ئێك چێكرن و بابهتێ بادینی و سوَرانی گههانده لوتكێ! ل دوهڤدا ب ناڤێ ئیسلامێ كو ل وی دهمی زۆربهیی خهلكێ كوردستانێ نهخویندهوار بوون و گهلهك دساده و جدی بوون بوَ دینێ ئیسلامێ؛ بهلێ دوژمنێن كوردستانێ شیان ب ڤی رهنگی گهلهك كێشا و گرفتا بوَ جڤاكێ كوردی دروست بكهن و سهركردێن وان د چاڤێ جڤاك یدا كێم بكهن و سهركردن ل دووڤ حهزێن خوه ئینانه د ناڤ خهلكی دا كو ببیته كێشه و گرفت بوَ سهركردێن دروست و خوَدان بیر و باوهرێن نهتهوهیی و ب ڤی رهنگی شوَڕهشێن كوردی ژناڤ برینه و نههێلاینه دوَزا كوردی بگههیته ئارمانجێن خوه!!
ئهوا نوكه دوژمن دهرحهقێ دوَزا كوردی دكهن ههر ئهو پیلانن یێن بهری نوكه دژی كوردان گێراین وهكو جوداكرنا چهند سهركردهیهكا ژ پارتی و دروستكرنا ئێكهتیێ ب بههانهیا مهلاتیی و هزرێن شوَڕهشگێری و سیاسهتێ! و ل دووڤدا فتنا سوَرانیی و بادینیێ سهرهلدا ڤه و تا نوكه لسهر وی تهیاری كاردكهن! و پاشی دروستكرنا پارت و لایهنێن ئیسلامی پاشی یێن علمانی ههموو بوَ لاوازكرنا بیروَكا نهتهوایهتی و رێگرتن بهرامبهر دوَزا كوردی كو مفایی ژڤان دهلیڤان نهبینن!
ل ههر سهردهمهكی دوژمنان هندهك كهس ب خوهڤه گرێداینه و حازری بوَ كریه بوَ قوناغێن داهاتی كو ل دهم و كاودانێن پێدڤی و گونجاو ڤان كهسا هاندهت بوَ تێكدانا ناڤ مالا كوردی و تانوكه شیاینه ڤێ چهندێ بكهن و بێژنه خهلكهكی كو كورد ب خوه رێگرن بهرامبهر نهگههشتا دوَزا وان بوَ چ ئارمانجا!! بهلێ قهدرا كوردان ئهو بوویه خهلكهك زوو ب ئاخفتن و دروشمێن ڤان كهسا سهردا دچن و ل دووڤ ڤان كهسا دكهڤن و دبنه داردهستێن وان و ل دووڤ راستیا بارودوَخی ناچن كا بدروستی بوَچی رویودایه!!
ئهوا نوكه ل گوَڕهپانا سیاسی یا كوردستانێ روو ددهت ههر ئهو پیلانن یێن بهری نوكه بهرنامه بوَ هاتیه دارێتن و نوكه جێبهجێ دكهن، بگره ژ وێرانكرنا ژێرخانا كوردستانا توركیێ ژ ئهگهرێ شهری و ببههانهیا سیاسهتێن پهكهكێ! و ئابلوَقهدانا ههرێما كوردستانێ ژ ههموو لاڤه و هاندنا هندهك لایهنێن ناڤخوه بوَ دروستكرنا فهوزایێ ب تایبهت ل ههولێر و دهرئێخستنا پایتهختی ژبن كونتروَلا ئهمنی یا پارتی بوَ لاوزكرنا كوردان و ژناڤبرنا بیروَكا سهربهخوَیی یێ! و ل كوردستانا سووریێ و برێكا پهیهدێ دووباره دهڤهرێن كوردی ب دروشمێن خوهسهری و كانتوَنا رادهستی رێژێما سووریێ بكهن! و ل كوردستانا ئیرانی جڤاكێ كوردی ل وێرێ ب ههموو رهنگا برسی كریه و ببازرگانیا تریاكێ و شولێن خراب ڤه كریه و پاشی بریا یاسایی ههر چ چالاكڤانێ سیاسی ههیه سیداره بدهن!!
ب ڤی رهنگی دوژمنان نههێلایه كورد بگههنه ئارمانجێن خوه نهك كورد رێگر بزوینه و ئهگهر بووینه كو دوَزا كوردی ژ ناڤ بچیت بهلكو پیلان د مهزنن و دوژمن ب ههموو هێزا خوهڤه بهرامبهر مه یێ راوستیایه و ناهێلیت تاكێ كورد هێزرێن خوه بكوردایهتی بكهت بهلكو ههردهم هزرێن وان د چارچوَڤێ حزبایهتی و بهرژهوهندیا دا ببن و وهك دوژمن تهماشهیه ئێك و دوو بكهن!! لهورا فهره خهلكێ كوردستانێ هزرا وێ چهندێ بكهت ئهگهر كاودانهكێ ژ یێ نوكه خرابتر ههبیت، دا ئهو بیت ئهم خوه رادهستی پیلانێن دوژمنان بكهین و سهركردێن وان دروستكرین ب ناڤێ كوردایهتیێ خوه ب دهست پروَژێن وان ڤه بهردهین و ل وی دهمی چ جه نامینن بناڤێ كوردستان، بهلكو وهكو بهرێ دێ بنه پارێزگهه و ل بن دهستێن دوژمنان !!
فهره د خوَراگر بین و پشتهڤانێن پروَژێ سهربهخوَیێ بین ب ههموو رهنگا و د ههر كاودانهكی دا قهد بلا كوردستانێ گوَری مووچهیی و ژیارا بن دهستیێ نهكهین!! چنكو شوَڕهش و سهرهلدان و قوَربانیدان بوَ ڤێ چهندێ نههاتینه دان بهلكو بوَ كوردستانهكا سهربهخوَ و ئازاد یێن هاتینه دان !!
