قوتابی د ئەزموونان دا چ بكەت داكو یێ سەركەفتی بیت؟
ئاواز یوسف جەمیل
بێگومان، سەركەفتن د ئەزمۆنان دا نە هەرتنێ ب ماندیبوونا زێدە دهێت، بەكو ب رێیخستن و بكارئیانا رێكێن زانستی دهێت.
هەمی قوتابی حەز دكەن د ئەزموونێن خۆدا سەركەفتنێن مەزن تۆ ماربكەن، بەلێ گەلەك جاران، پرسیار ئەوە، ئەزدێ چاوا خوینم داكو سەربكەڤم؟ سەركەفتن نەبتنێ چەند دەمژمێرێن خواندنێ یە دهێت، بەلكو ب پلان و ژیری دهێت.
رێكخستنا دەمی و پلاندانان:
پێش هەر تشتەكی، خشتەیەكێ خواندنێ بۆ خۆدابنێ، مێشكێ مرۆڤی حەز ب رێكوپێكیێ دكەت، هەر بابەتەكێ خواندنێ دەمەكێ دیاركری بۆ دەستنیشان بكە هەول بدە ل سەر وێ پلانێ بەردەوامبە خواندنا كێم بەردەوام گەلەك باشترە ژ خواندنا زێدە و ب ماندییبوون،
بۆ وانەیێ دڤێت تێگەهشتن بەرییا ژبەركرنێ بیت، لەورا هەول نەدە بابەتان وەكی (توتی) ژبەر بكەی بێ كو تو تێبگەهی دەمێ تو د بابەتەكی تێدگەهی ئەو زانیاریێن د مێشكێ تە دا دمینن و ب ساناهی ژبیرناچن، ئەگەر بابەتەك یێ زەحمەت بوو، هەول بدە ب شێوەیێ وێنە یان نەخشە ل سەر كاغەزەكێ بكێشە داكو د مێشكێ تەدا جێگربیت.
دیسا ژی ژینگەهەكا گونجایی بۆ خواندنێ دڤێت جهێ خواندنێ كاریگەریەكا مەزن ل سەر ئاستێ تەركیزا تە هەیە، هەول بدە ل جهەكێ ئارام دویر ژدەنگا و دەنگ و مۆبایلێ بخوینی؛ مۆبایل و تۆڕێن جڤاكی مەزنترین دوژمنێن تەركیزێنە ل دەمێ خواندنێ، لەورا وان ل جهەكی بدانە.
تەكنیكێن خواندنا كاڕا:
25 خولەكان بخوینە و 5 خولەكان بهێنڤەدانێ بدە خۆ ئەڤ رێكە ناهێلیت مێشكێ تە زویكا وەستیت
بیاڤەكێ دیتر ژی گرنگیدان ب ساخلەمیێ یە چونكو مێشكێ ماندی نەشێت زانیاریان كۆم بكەت گرنگیێ ب ڤان سێ خالان بد:
1ـ خەوا تێركەر: شەڤێ كێمتر ژ 7ـ 8 دەمژمێران نەنڤە.
2ـ خوارنا ساخلەم: خوارنێن وەكی ماسی كویز و فێقی تەركیزێ زێدە دكەت.
3ـ ڤەخوارنا ئاڤێ: ئاڤ هێز و چالاكیێ ددەتە مەژی.
