قۆچالی
خورشید باكۆزی
قۆچالیۆ ..
ئه‌ڤ موریاهه
به‌روڤاژی به‌ختێ منه
كه‌لێژانا ڕۆژ گوهۆڕێ و
كادیا چاخی
بارا ته یا دگه‌ل
بارا من دا كه‌رافتی
موریا دژانان دا بشافتی
مشوتا ته بلنگێن بایڤه
هه‌لامه‌ته ..
جار سه‌قه‌مه
ل شه‌ڤ هه‌یهوتێ
جار ژی ل به‌ر ره‌حما دومانێ
كون یا ژپنیێ مه‌زنتر بووی ..
هه‌میا كونه
دكه‌لێژانا زه‌مانی دا
یێ هنگافتی ..
قوچالیۆ .. خه‌م گرانۆ
فهێتنه‌كه خه‌ما نه‌خۆ
ل ناڤ باژێر و كولانێن مه
ئه‌ڤرۆ قۆچالی دمشه‌نه
ته‌ڤ بێ بارۆ
كه‌سه‌ردارۆ..مینا ته‌نه
دكادیا گه‌رما وژدانێ دا
مرۆڤاتیا
بوویه كه‌له‌خه‌كێ مری و
بوویه چونه
بوویه چونه .
