كابینەیا نەهێ و پرۆژەیێن وێ یێن ستراتیجی و بەرهنگاربوونا ئاستەنگ و رێگرییان
نەوزاد زادە نەقەبی
خۆیایە هەر ل دەستپێكا دامەزراندنا كابینەیا نەهێ یا حوكمەتا هەرێما كوردستانێ، بارودۆخێ ئابووری و سیاسی یێ هەرێما كوردستانێ یێ هاریكار نەبوو، یا دیار و ئاشكرایەژی كو بەردەوام دوژمن و نەحەزێن كوردستانێ ل پێناڤی رێگریكرن ل پێشكەفتن و ئاڤەدانكرن و چاكسازیێ پیلان گێراینە و دگێرن، هەروەسا ژ لایەكێ دی ڤە ئەو بەرنامەیێ رێزدار جەنابێ مەسرۆر بارزانی سەرۆكێ حوكمەتێ دانای د بەرژەوەندییا زۆر لایەن و كەسێن گەندەل دا نەبوو كو مەرەما وان تنێ بەرژەوەندیێن كەسۆكی و تایبەتن، لێ سەرۆكێ حوكمەتێ هەردەم بەرژەوەندیێن گەلێ كوردستانێ پێ گرنگترن ژ بەرژەوەندیا لایەنەكی و كەسایەتیەكی یان ژی رازیكرنا بەرژەوەندیخوازەكی.
یا دیار و بەرچاڤە كو ئارمانجا سەرۆكێ حوكمەتا هەرێما كوردستانەكا بهێز و پاشەرۆژەكا گەش و پێشكەفتی یە بۆ گەلێ كوردستانێ، لەوما بێ هیچ جوداهییەك هەر ل دەستپێكا پێكئینانا ڤێ كابینەیێ هەمی كارو بزاڤێن وی ل پێناڤ خزمەتكرنا زێدەترا وەلاتیان و ساناهی كرن و بلەز برێڤەچوونا كاروبار و مامەلەیێن وەلاتیان و سەروەری كرنا یاسایێ و نەهێلانا گەندەلی و رووتینێ بووینە، دیسا پرۆژەیێ رۆناكی یێ كارەبا 24 دەمژمێری و پرۆژەیێ هەژماری من و دروستكرنا بەنداڤان و رێك و پران د ناڤبەرا پارێزگەھ و دەڤەران دا، هەروەسا چارەسەركرنا كێشەیا كێم ئاڤیێ یێن باژێر و دەڤەرێن هەرێمێ مینا پرۆژەیێ ئاڤێ یێ باژێرێ هەولێرێ باشترین نموونەنە بۆ پرۆژەیێن ستراتیژی یێن كابینەیا نەهێ.
هەرچەندە نەیار و دوژمنێن هەرێما كوردستانێ هەمی هەوڵ و پیلان گێراینە و دگێران ل پێناڤ لاوازكرن و ڕاوەستاندنا پێشكەفتنێن هەرێما كوردستانێ كو نەدانا بودجە و مووچەی و برسیكرنا خەلكێ كوردستانێ و لاوازكرنا ئابوورا كوردستانێ بەشەكێ سەرەكی بوو ل وان پیلانان، بەلێ رێزدار مەسرۆر بارزانی ب راستگۆیی و ئەزموون و شارەزاییا خۆ یا زۆر و ب پشتەڤانیا خەلكێ خۆڕاگرێ كوردستانێ شیا رووبەروی وان پیلانان بیتەڤە و رێك نە دا هەرێما كوردستانێ لاواز ببیت بەلكو بەروڤاژی ب پلان و پرۆژەیێن سەركەفتی هەرێما كوردستانێ بهێزتر و پێشكەفتیتر لێ كر.
ل پێناڤ بەرژەوندیێن گشتی بۆ ب دەستڤەئینان مافێن خەلكێ كوردستانێ و دامەزراویێن پێدڤی دابین بكەت ل پێناڤ بەردەوامبوونا دیرۆكێ و ب شێوەیەكی كو شیانێن هەی رێكەكا تەكنیكیا پێداویستیان ڤەبینیت بۆ هێنادیا پرۆگرام و ئامانجێن پاشەرۆژێ ل ژێر رۆناهیا ستراتیژیێن گشتی چاڤەرێ تێكرن بۆ رێرەوێ وێ خەباتێ و سەركردایەتیێ ل پێناڤ ئایندەیەكێ گەش و مەزن بۆ گەل و نەتەوەیێ خۆ تێدكۆشیت ب ڤی شێوەییە ئەنجامێن كاروخەباتێ بەردوامبیت هەتا زەنگێ سەركەفتنێ و ئەنجامێن ب دەستڤەهاتی دبنە پشتەڤان بۆ سەركەفتنا چاڤەرێكری، كو دبنە جهێ ئومێدێ بۆ ئۆمێدەكا گەش و خۆڕاگر و ب هیڤی بۆ گەلێ كوردستانێ، ل پێناڤ بهێزكرنا زێدەترا پێگەهێ گەلێ كورد و بەردەوامیا كاروانێ خزمەتگوزاریان و پێشكەفتنا زێدەترا هەرێما كوردستانێ و درۆستكرنا پاشەروژەكا گەشتر. ل دوماهیێ دبێژین ل پێناڤ بهێزكرنا زێدەترا پێگەهێ گەلێ كورد و پێشكەفتنا زێدەترا هەرێما كوردستانێ پێدڤی بوو ل سەر حزب و لایەنێن كوردستانێ هاریكاربن دگەل حكومەتا هەرێما كوردستانێ داكو بشێت زێدەتر خزمەتا كوردستانیان بكەت لێ مخابن هەر ل دەستپێكا پێكئینانا كابینەیا نەهێ یا حكومەتا هەرێما كوردستانێ هندەك حزب و لایەنێن ناڤخویی دەست ب دژایەتی و پیلانان كرن داكو رێگریێ ل كار و پلان و پرۆژەیێن ڤێ كابینەیێ بكەن لێ سەرۆكێ حكومەتا هەرێما كوردستانێ ب سیاسەت و رێڤەبرنا خۆ یا حەكیمانه شیا وان پیلان و رێگرییان هەلبوەشینتەڤە و ب پرۆژەیێن مەزن و ستراتیجی شیا هەرێما كوردستانێ بەرەڤ قوناغەكا گەلەك پێشكەفتی ببەت.
