كاروان سهباح دێ پشكداریێ د خولهكا راهێنهرێن ئهكادیمی دا بیت
ئهڤرۆ،قهیس وهیس
چاڤهڕێ دهێته كرن ل حهفتیا بهێت كاروان سهباح راهێنهرێ ئهكادیمیا تهپا پێی ل پارێزگهها دهۆكێ پشكداریێ د خولهكا راهێنانێن ئهكادیمی یا وهلاتێن عهرهبی بكهت ئهوا دێ ل دهستپێكا ههیڤا بهێت وهلاتێ ئیماراتێ مێڤانداریا وێ كهت.
لدور ڤێ یهكێ د داخویانیهكێ دا راهێنهرێ ناڤهاتی بۆ رۆژناما ئهڤرۆ گۆت: سهر ئاستێ ئیراقێ و كوردستانێ سێ راهێنهرێن ئهكادیمی هاتینه ژێگرتن بۆ خولا راهێنهرێن عهرهبی یا ئهكادیمیا تهپا پێی كو سهرجهمێَ 66 راهێنهرێن 22 وهلاتێن عهرهبی پشكداری خولێ بن ئهوا دێ ل دهستپێكا ههیڤا بهێت ب سهرپهرشتیا ئێكهتیا ئهكادیمیێن عهرهبی بۆ ماوێ حهفتیهكێ هێته ئهنجامدان و وانهیێن وێ دێ ژلایێ پسپۆر و شارهزایێن ڤێ یاریێ ب شێوێ تیۆری و پراكتیكی هێنه ئهنجامدان و ئهز ژ ههرێما كوردستانێ ئێكانه هاتیمه ژێگرتن پشتی من پشكداری چهندین خولێن راهێنانێ كرین و ئێكهتیا عهرهبی پهسنا كارێ من كری.
ژلایهكێ دووڤه ناڤهاتی سۆپاسییا پارێزگارێ دهۆكێ دكتور عهلی تهتهری كر كو پشتهڤانیا مادی لێكری و دیسان سۆپاسیا ههر ئێك ژ دكتور شاكر ئهحمهد سمۆ رێڤهبهرێ گشتی یێ وهرزشی، دكتور ئهحمهد قاسم سهرۆكێ نوونهراتیا دهۆك یا لژنا ئۆلمپییا كوردستانێ و ئێكهتیا تهپاپێی یا پارێزگهها دهۆكێ و ئهكادیمیا پێشمهرگه كرن ئهوێن پشتهڤانیا مهعنهوه و پالدهر بووین و گۆت: ئهڤه ههموو دێ بنه پالدهر كو ئهز باشترین شێوه ئاستێ خوه پێشبێخم و بزاڤێن مهزن بكهن بێخمه د خزمهتا وهرزشا كوردستانێ و پارێزگهها دهۆكێ دا.