كارێن هونه‌ری پێدڤی ب پشته‌ڤانیێ نه
دهۆك، شاكر ئه‌تروشی:
شانۆڤان (نیوار حه‌جی حه‌سه‌ن) د دیداره‌كێ دا بۆ رۆژناما ئه‌ڤرۆ گۆت: ئه‌ز ژدایكبوویێ سالا 1984مه، دژیه‌كێ بچووكدا حه‌زا مۆزیكێ پاشی یا شانۆیێ بۆ من چێبوو، له‌ورا هه‌ر زوو من ده‌ستپێكر و چوومه پشكا شانۆیێ ل په‌یمانگه‌ها هونه‌رێن جوان ل دهۆكێ، پشتی من ب دووماهی ئینای چوومه كولیژا زانستێن مرۆڤایه‌تی/پشكا درامایێ، ل سالا 2014ـ 2015 من ئه‌و ژی ب دووماهی ئینا، هه‌روه‌سا من كارێ دوبلاژێ ژی كریه و دوسالان په‌یامنێر بووم ل ته‌له‌فزیۆنا په‌روه‌ردێ و به‌رنامه‌ك ژی من هه‌بوو، ئه‌ڤه دو سالن ژی ئه‌ز به‌رپرسێ چالاكیێن قوتابخانامه ل په‌روه‌ردا دهۆك/ رۆژهه‌لات.
نیواری گۆت: من پشكداری د گه‌له‌ك شانۆگه‌ریان دا كریه، ژوانا فیسته‌ڤالا شانۆیێ یا ئێكێ ل ئامه‌دێ، ب ناڤێ تیپا میترا مه شانۆگه‌ریا (ئاڤابوونا ستێران مزگینیا هه‌لاتنا رۆژێ یه) نیشادا، هه‌روه‌سا شانۆگه‌ریا (سه‌رباز) كو ژ ئاماده‌كرن و ده‌رهێنانا من بوو، و شانۆگه‌ریێن (سه‌یدا، مژا ل هه‌ستان، پڕانیا ڤالا، دیوار، لێبۆكێ هاڤی، پێشانگه‌ها دڕندان) هه‌روه‌سا ل فیسته‌ڤالا هه‌ولێرێ ژی پشكداربوویمه و ئه‌ز چوو كارێن خوه یێ په‌شیمان نینم، چنكو هه‌ر پشكداریه‌كا من د شانۆگه‌ریه‌كێ دا كربیت ب دلێ من بووینه و پشتی ئه‌ز بوویمه به‌رپرسێ چالاكیێن قوتابخانان من كار ل سه‌ر وێ چه‌ندێ كر كو شانۆگه‌ریا نوو چێكه‌ین و ئه‌كته‌رێن وێ هه‌موو ئه‌م ماموستایێن بسپۆر بین، بۆ زانین من پشكداری د دو فلمێن سینه‌مای ژی دا كریه، ئێك ل گه‌ل ده‌رهێه‌ر كامیران بێتاسی، یێ دویێ ژی ل گه‌ل ده‌رهێنه‌ر عادل عه‌بدولمه‌جید، بۆ ده‌مێ بهێت ژی دێ مه به‌رهه‌مێن نووتر هه‌بن، لێ ئه‌ڤه هه‌موو گرێدای ره‌وشا دارایی نه، چنكوئه‌ڤه چه‌ند سالن پشته‌ڤانی گه‌له‌كا كێمه.
