كاساس: ناسناڤێ شاهێ تایلەند پێنگاڤەكا گرنگە بۆ ڤاڤارتنێن مۆندیالا جیهانێ و كۆپا ئاسیا
راهێنەرێ هەلبژارتیێ ئیراقێ یێ ئسپانی خیسیوس كاساس كەیفخوەشیا خوە دیار كر ب دەستڤە ئینانا كۆپا شاهێ تایلەند كو دبیتە ناسناڤێ دویێ یێ پشتی كۆپا كەنداڤییا 2022ێ.
كاساسی د كۆنگرەیەكێ رۆژنامەڤانی دا گۆت: تەپا پێی یا ئیراقێ یا پێشكەفتییە و زوور كەیفخوەشم وەكو راهێنەرێ هەلبژارتیێ ئیراقێ شیاین دو ناسناڤان دەستڤە بینن و یا گرنگ دلخوەشیێ بۆ جەماوەر و خەلكێ ئیراقێ پەیدا بكەین، سەركەفت و ناسناڤێ شاهێ تایلەند ب سانەهی نەبوو لێ هەمی یاریزان ب گیانەكێ كۆم یاری دكرن دیسان مە دەلیڤە دا 22 یاریزانان ژ سەرجەمێ 23ێ یاریزانان ژبلی گۆلپارێز ئەحمەد باسل ئەوێ بتنێ دو یارییان دەلیڤە نە دیتی.
هەروەسان گۆت: ناسناڤێ كۆپا شاهێ تایلەند پێنگاڤەكا گرنگە ژبۆ باشترین بەرهەڤی بۆ ڤاڤارتنێن مۆندیالا جیهانی 2026ێ و كۆپا ئاسیا دەستپێكا سالا بهێت، تێگەهشتنەكا باش دناڤبەرا یاریزانان دا پەیدابوویە و پێشبینی دكەم هەلبژارتیەكێ بهێز پشكداری ڤاڤارتن و كۆپایێ بین.
