كاماڤینگا هەلوەستێ خوە ئێكلا كر
ئەڤرۆ
یاریزانێ ناڤەراستێ یانەیا ریال مەدرید یێ فرنسی ئیدۆاردۆ كاماڤینگا هەلوەستێ خوە یێ دووماهیێ بۆ یاریا چارشەمبیا بهێت دیار كر پشتی د یاریا واندا بەرانبەر خیتاڤی ژ خولا ئسپانیا تووشی هنگاڤتنێ بوویی ژ نەچاری راهێنەرێ تیمێ كارلۆ ئەنشلۆتی دگەل هەڤالێ وی ئالڤارۆ ئۆدریزۆلا گوهۆڕتی.
ل دووڤ راپۆرتا ئاس یا ئسپانی كو ئەو پشكنینێن بۆ كاماڤینگایی هاتینە كرن دیاربوو د چۆكێ وی یێ چەپێ دا تووشی هنگاڤتنەكا سڤك بوویە و هەتا ئەڤرۆ دێ دووبارە ڤەگەڕێتە راهێنانێن خوە، هەروەسان بۆ یاریا چارشەمبیا بهێت یا چوونێ و ڤەبڕ ژ قۆناغا پێش دووماهیا چامپیۆنز لیگ بەرانبەر مانچستەر ستی دێ یی بەرهەڤبیت، لێ راهێنەرێ تیمێ ئەوچەندە دیار نەكر وەكو یاریزانێ سەرەكی یان یەدەك بیت.
