كوبانێ كوشتنا ئه‌میره‌كێ داعشێ هات راگه‌هاندن
ئه‌ڤرۆ نیۆز:
په‌یڤدارێ بناڤێ یه‌كینه‌یا پاراستنا گه‌ل پولات جان ئه‌ڤرۆ راگه‌هاند، ئه‌بو خه‌نسا كو ئێك ژ ئه‌میرێن چه‌كدارێن داعشێ یه ل باشورێ كوبانێ هاته كوشتن.
پولات جان هه‌روه‌سا رونكر، ئه‌بو خه‌نسا و ژماره‌كا دییا چه‌كدارێن داعشێ كه‌فتنا د ناڤ بووسه‌كا هێزێن یه‌كینه‌یا پاراستنا گه‌ل دا ل گوندێ (ته‌ل غه‌زال) ل باشورێ باژێرێ كوبانێ د ئه‌نجامدا ئه‌میرێ داعشێ و هه‌موو چه‌كدارێن د گه‌ل دا هاتینه كوشتن.
ژئالیه‌كێ دیڤه ناڤه‌ندا راگه‌هاندنا یه‌كینه‌یا پاراستنا گه‌ل د به‌یاننامه‌كێ دا به‌لاڤكر، كو دده‌مێ 24 ده‌مژمێرێن بۆرى دا ژبلێ كوشتنا 13 تیرۆرستێن داعشێ، چه‌ندین خالێن ستراتیجى ژى هاتینه كونترۆلكرن كو به‌رى نها ژئالیێ داعشێ ڤه داگیر كربوون.
