كوردستانى: سه‌ره‌دانا بارزانى بۆ غدا یا ب مه‌رجه
ئه‌ڤرۆ نیۆز:
هه‌ڤپه‌یمانیا كوردستانى دوپاتكر، سه‌ره‌دانا سه‌رۆكێ حوكمه‌تا هه‌رێما كوردستانێ نێچیراڤان بارزانى و شاندێ ل گه‌ل دا بۆ به‌غدا گرێدایێ هه‌ولیست و بڕیارا حڤاتا وه‌زیرێن عیراقا فیدراله سه‌باره‌ت بۆدجا هه‌رێمێ.
ئه‌ندامێ هه‌ڤپه‌یمانیا كوردستانى موحسن سه‌عدون گۆت: حوكمه‌تا هه‌رێما كوردستانێ چاڤه‌رێى رێككه‌فتنا جڤاتا وه‌زیرایه ل سه‌ر میكانیزما به‌رهه‌ڤكرنا بودجێ و دارایى یه، وه‌كى بودجه‌كا بله‌ز بۆ چار هه‌یڤێن داهاتى ژ سالى نها بهێنه دابینكرن، ئاماژه‌دا هندێ، شاندێ دانوستاندنا نه‌شێن دانوستاندنا ل سه‌ر كێشێن هه‌لاویستى یێن دارایى داناڤبه‌ر حوكمه‌تا هه‌رێمێ و حوكمه‌تا ناڤه‌ندى د چارچۆڤێ نه‌بوونا دیتنه‌كا گشتى بۆ بودجێ و دارایى كو بهێنه به‌رهه‌ڤكرن.
موحسن سه‌عدون هه‌روه‌سا دیاركر، حوكمه‌تا عیراقێ شیانێن دارایى یێن قانوونى و كارى ژى هه‌نه بۆ دانانا میكانیزمه‌كا دارایى بۆ هه‌یڤێن داهتى و مه‌زختنا تێچوویێ وه‌زاره‌تێن هه‌ردو حوكمه‌تا ناڤه‌ندى و هه‌رێمێ كو ب زووترین ده‌م ئه‌و پرۆژێ بودجێ پشتى گه‌نگه‌شكرنێ ژ ئالیێ لژنا دارایى ڤه بهێته په‌سه‌ندكرن.