كوردستانێ بەربژارێ خوە بۆ هەلبژارتنێن فدراسیۆنا فوتبۆلا ئیراقێ دیار کر
قەیس وەیس:
ڕێڤەبەرییا گشتی یا وەرشی ل هەرێما كوردستانێ بەربژارێ هەرێمێ بۆ جێگرێ سەرۆك فدراسیۆنا فوتبۆلا ئیراقێ ڕاگەهاند ئەوا بڕیارە هەلبژارتنێن فدراسیۆنێ ل ناڤەڕاستا مەها بهێت پایتەختێ ئیراقێ بەغدا بهێتە كرن.
ل دووڤ نڤێسارا هاتیە بەلاڤكرن كو بەرپەرسێن وەرزشی ل سەر بەربژاركرنا عەبدوللا مەجید سەرۆكێ بەرێ یێ یانەیا هەولێر بۆ پشتێ جێگرێ سەرۆكێ فدراسیۆنا فوتبۆلا ئیراقێ هاتە دەستنیشان كرن ئەوێ ژلایێ خوەڤە ڕازیبوونا خوە دیار كرن، بڕیارە هەلبژارتنێن وان ل 16ێ مەها بهێت ل بەغدا بهێتە كرن و دهێتە چاڤەڕێ كرن ئەڤرۆ سیڤی و هەموو و داخوازناما بەربژاركرنێ ل نڤێسینگەها جێبەجێكرنێ ل فدراسیۆنا فوتبۆلا ئیراقێ بهێتە زێدەكرن ژبۆ پشكداریكرن د هەلبژارتنان دا،
ژلایەكێ دووڤە بۆ ماوەیەكە دناڤا جادا وەرزشی یا ئیراقێ دا لڤینێن باش هەنە دگەل نێزكبوونا دەرگەهێ خوە بەربژاركرنێ بۆ پۆستێ سەرۆكێ فدراسیۆنا فوتبۆلا ئیراقێ و ئەندامەتییا وێ و تا گەهشتییە وێ چەندێ كۆمەكا بەربژاران بۆ پۆستێ ناڤهاتی هاتینە دناڤا هەڤڕكییان دا.
ل دووڤ رۆژنامەیا وەرزش و لاوان یا تایبەت ب لژنەیا ئۆلمپییا ئیراقێ داخوازی ل سەر پۆستێ سەرۆكێ فدراسیۆنا فوتبۆلا ئیراقێ زێدەبوویە كو دبیتە جارا ئێكێ ددیرۆكا وەرزشا ئیراقێ دا ئەوا نوكە عەدنان درجال سەرۆكاتییا وێ دكەت بەری دەست ب هەلبژارتنێن گشتی یێن فدراسیۆنێ بهێنە كرن و دهێتە هژمارتن هەڤڕكییەكا دژوار دێ هێتە كرن ژبۆ وەرگرتنا پۆستێ فدراسیۆنێ.
ل دووڤ دەنگۆباسێن هاتینە بەڤكرن ژبلی دوبارە خوە بەربژاركرنا عەدنان درجالی، هەر ئێك ژ ئەیاد بنیان سەرۆكێ بەرێ یێ یانەیا زەورا، یونس مەحمود ئەندامێ نوكە و عەلی جەبار ئەندامێ پێشتر یێن فدراسیۆنێ، محەمەد خەلەف ئێك ژ وەرزشڤانێن دیار یێن ئیراقێ، دبیت هژمارە د ڤێ حەفتیێ دا زێدەبن.
