كومه‌لا ئیسلامى پۆستێ پارێزگه‌ها هه‌له‌بجه دڤێت بۆ پارتى بیت
ئه‌ڤرۆ نیۆز:
نوونه‌رێ كۆمه‌لا ئیسلامى د كومبوونا لایه‌نێن سیاسى دا ل هه‌له‌بجه بۆ پێكئینانا ئیداره‌یا پارێزگه‌ها نوو دا داخواز ژ ئالیێن سیاسى كریه پۆستێ پارێزگارێ هه‌له‌بجه بده‌نه پارتى دیموكراتى كوردستان.
فازل به‌شاره‌تى به‌رپرسێ لقا 12 یا پارتى دیموكراتى كوردستان ل هه‌له‌بجه د هه‌ڤدیتنه‌كێ دا ل گه‌ل رۆژناما رووداو ئاشكراكر، نوونه‌رێ كومه‌لا ئیسلامى كوردستان ل دچارچۆڤێ كوبموونا ل گه‌ل ئالیێن سیاسى ل هه‌له‌بجه داخواز ژ ئالیێن سیاسى كر پۆستێ پارَزگارێ هه‌له‌بجه بۆ پارتى دیموكراتى كوردستان بیت.
ل گۆڕ گۆتنا فازل به‌شاره‌تى نوونه‌رێ كومه‌لێ گۆتیه: هه‌كه مه ئاڤادانى و خزمه‌تگوزارى بۆ خه‌لكێ هه‌له‌بجه بڤێن پۆستێ پارێزگاریا هه‌له‌بجه دێ بۆ پارتى بیت.
هه‌ژى گۆتنێ یه د هه‌لبژارتنێن جڤاتا پارێزگه‌هان دا ل 30 نیسانا بۆرى، ئێكه‌تى نیشتیمانى كوردستان ل هه‌له‌بجه 10 هه‌زار و 945 ده‌نگ هه‌بوون و پارتى دیموكراتى كوردستان 6 هه‌زار 280 ده‌نگ هه‌بوون و پلا چارێ داهات، كومه‌لا ئیسلامى كوردستان ژى ل دووڤ پارتى دهێت ب 5 هه‌زار و 824 ده‌نگان و پلا پێنجێ هه‌یه.
