كچێن زاخۆ دێ بۆ سەركەفتنێ دژی رەواندزێ یاریێ كەن
زاخۆ، عەلی حاجی:
د داخویانیەكێ دا راهێنەرێ تیما كچێن زاخۆ یا فۆتسالێ بۆ رۆژناما ئەڤرۆ دیار كر وان هیڤی هەنە بشێن ببنە قارەمانا خولا نایابا فوتسالا كوردستانێ و چاڤێ وان ل سەركەڤتنێ یە ب سەر تیما رواندوز دا .
زێدەتر دلوڤان محەمەد گۆت: هەر چەندە ژ هەیڤا رەمەزانێ هەتا نوكە یاریێن چارگوشا زێرین ژ خولا نایابا كوردستانێ یا فوتسالێ ل سەر ئاستێ كچان راوەستایە لێ دوبارە دەست ب یەكەیێن راهێنانێ كرینە هەرچەندە یاریزانەكا وان بەرەڤ وەلاتێ فەرەنسا ڤە چوو بوو و یاریزانەكا دیتر ژبەر چەند كێشەیەكێن تایبەت راهێنان ئەنجام نەدان لێ دوبارە پەیوەندی ب تیمێ كرینە و راهێنانان ئەنجام دەن، ئێكەم یاریا بەرامبەر رواندز دێ بزەحمەت بیت و مە چاڤ ل ناسناڤێ ئەڤ سالەیە و ژ هەمی سالان زێدەتر دەلیڤە بۆ تیما مە هەیە كو بشێن سەركەڤتنێ توماربكەین د یاریا هاتن و چوونێ دا و دەربازبینە یاریا دوماهیێ، هەمی یاریزان د ئامادەنە و دخوازن مێژوویەكێ بۆ یانەیا زاخۆ تومار بكەن، د ڤێ قوناغێ دا مە پێدڤییەكا مەزن ب جەماوەری هەیە دا كو بشێن ئاستەكێ باشتر پێشكێش بكەن.
ناڤبری گۆت ژی: ئەو ئاستێ تیما مە گەهشتیێ دەستكەفتە ژبەر كو ئێكەم جارە پشكداری خولێ ببین و هندەك یانە 10 وەرزە پشكداری بووینە هەتا نوكە نەشیاینە بگەهنە چارگوشا زێرێن و هەر دیسان پێدڤی ب پشتەڤانیا كارگێریا یانەیا زاخۆ هەیە دا كو بشێن خولێ ب دەستخوەڤە بینن.
