كچێن سه‌نحاریب به‌رهه‌ڤیان بۆ دو قاره‌مانیێن ئیراقێ‌ دكه‌ن

كچێن سه‌نحاریب به‌رهه‌ڤیان بۆ دو قاره‌مانیێن ئیراقێ‌ دكه‌ن

14

ئه‌ڤرۆ،

د داخویانیه‌كێ‌ دا سه‌رۆكێ‌ یانا سه‌نحاریب یا وه‌رزشی دیاركر پشتی ب دووماهی هاتنا وه‌رزێ‌ خواندنێ‌ ئێكسه‌ر هه‌ردو تیمێن وان یێن باسكێت بۆل و ڤۆلی بۆلێ‌ ل سه‌ر ئاستێ‌ كچان ده‌ست ب راهێنانێن خوه‌ كرینه‌ خوه‌ به‌رهه‌ڤكرن بۆ قاره‌مانی و خولا پلا نایابا ئیراقێ‌ ئه‌وا بڕیاره‌ هه‌ڤڕكیێن وێ‌ ل ته‌باخا بهێت ئێك ژ پارێزگه‌هێن هه‌رێمێ‌ مێڤانداریا وێ‌ كه‌ت.

زێده‌تر داود ره‌به‌ن بۆ رۆژناما ئه‌ڤرۆ دیاركر ژبۆ باشترین به‌رهه‌ڤی بۆ هه‌ردو قاره‌مانیێن سه‌ر ئاستێ‌ ئیراقێ‌ هه‌رزو كادرێ‌ راهێنانێ‌ ده‌ست ب یه‌كێن خوه‌ یێن راهێنانێ‌ كرینه‌ و دیسان ده‌رگه‌هێ‌ تاقیكرنێ‌ بۆ ئه‌وان یاریزانێن شیان و شاره‌زاهی هه‌بن په‌یوه‌ندیێ‌ ب تیمێن وان بكه‌ت ڤه‌كریه‌ و گۆت: هه‌رچه‌نده‌ ژڤانێ‌ دروست یێ‌ هه‌ردو قاره‌مانیا نه‌ هاتیه‌ ده‌ستنیشانكرن لێ‌ پێشبینی دهێته‌ كرن ل تاباخا بهێت ده‌ستپێبكه‌ت ژبه‌ركو پرانیا یاریزانان قوتابی بوون و پشتی تاقیكرن ب دووماهی هاتین ژ نوو هاتینه‌ دناڤ راهێنانان دا و ده‌مه‌ك پێ‌ دڤێت ژبۆ به‌رهه‌ڤیێن باش و چاڤه‌ڕێ‌ یه‌ د ماوێ‌ بهێت دا ژڤان و جهێ‌ قاره‌مانیان بهێته‌ ده‌ستنیشانكر و دبیت پارێزگه‌ها دهۆكێ‌ به‌ربژاره‌كا بهێز بیت بۆ مێڤانداریێ‌.

ژلایه‌كێ‌ دووڤه‌ ناڤهاتی گۆت: هه‌ردو قاره‌مانیا دێ‌ پشكداریێ‌ كه‌ن و پلانا مه‌ بۆ هه‌ڤڕكیا ناسناڤێ‌ خولێ‌ بیت له‌ورا هه‌رزوو مه‌ ده‌ست ب راهێنانان كر و دێ‌ هه‌موو بزاڤا كه‌ین لدووڤ شیانا هه‌ر كێماسیه‌كا د ناڤ رێزێن تیمێ‌ دا هه‌بیت دێ‌ هێته‌ چاره‌سه‌ركرن و هه‌ردو قاره‌مانیێن ڤۆلی بۆل و باسكێت بۆلێ‌ بۆ مه‌ گه‌له‌ك گرنگن و دڤێت كار ل سه‌ر چاوانیا ده‌ستڤه‌ ئینانا ناسناڤێن وێ‌ بكه‌ین و زلهێز و ناڤێ‌ یانا سه‌نحاریب ڤه‌گه‌ڕێنه‌ گۆره‌پانا ناسناڤان.

کۆمێنتا تە