كڕینا چه‌كێ نوو بۆ عیراقێ به‌هرا پێشمه‌رگه‌ى تێدایه
ئه‌ڤرۆ نیۆز:
لژنا ئێمناهى و به‌ره‌ڤانیكرنا جڤاتا نوونه‌ران راگه‌هاند، چه‌كێ بۆ عیراقێ هاتیه كڕین د چارچووڤێ بودجا سالا 2014 دا، دێ ل سه‌ر هه‌ر سێ ئالیێن له‌شكرێ عیراقێ و پێشمه‌رگێ هه‌رێما كوردستانێ و ملیتانێن مللى یێن شیعى هێته به‌لاڤكرن.
ئه‌ندامێ لژنا نوونه‌رێن عیراقێ یێ سه‌رب فراكسیۆنا ئه‌حرار ڤه ماجد ئه‌لغه‌ڕاوى گۆت: باده‌كا ئێمناهیێ دێ پارچه‌كا هه‌ره مه‌زن یا بودجا سالا 2014 به‌ركه‌ڤیت، و گه‌له‌ك پاره بۆ هاتیه ته‌رخانكرن ب سه‌ده‌ما ره‌وشا نها، زێده‌بارى دیاركر، لژنا ناڤبرى نڤیسارێن تایبه‌ت بۆ وه‌زاره‌تا به‌ره‌ڤانى و ناڤخوه‌ى هنارتینه، تێدا داخواز هه‌موو پێدڤێن هه‌ردو وه‌زاره‌تان كرینه بهێنه نڤیسین بۆ هندێ لژنا ئێمناهى و به‌ره‌ڤانیا نوونه‌ران گڤاشتنا لسه‌ر ئه‌ندامێن په‌رله‌مانى بكه‌ن، ئه‌و داخوازى بهێنه په‌سه‌ندكرن.
ئه‌لغه‌راوى خوه‌یاكر، نڤیسارێن هنارتى هه‌روه‌سا دوپاتى ل سه‌ر ده‌ستنیشانكرنا ژێده‌رێن چه‌كى و وه‌لاتێن جودا جودا نه‌ك بتنێ وه‌لاته‌ك بیت بهێنه كڕین، هه‌ڤده‌م دوپاتكر، ده‌ستهه‌لاتێن به‌لاڤكرنا چه‌كێ هه‌موو دێ دده‌ستێن سه‌ركردێ فه‌رمانده‌یا گشتى یا له‌شكرێ عیراقێ دا بیت كو سه‌رۆك وه‌زیران حه‌یده‌ر عه‌بادى یه.
