كۆنفرانسا جینۆسایدا ئێزدیان دێ هێتە گێڕان
دهۆك، لەزگین جۆقی:
سەرۆكێ دەستەیا بلندا بنگەهێ لالشێ دیاركر كو ئەڤ سالە لسەر ئاستەكێ بلند، كۆنفرانسێ جینۆسایدا ئێزدیان ب چەندین چالاكیان دێ هێتە گێڕان.
سەعید جردۆ، سەرۆكێ دەستەیا بلندا بنگەهێ لالشێ بۆ ئەڤرۆ گۆت: «ب پشتەڤانیا حكومەتا هەرێما كوردستانێ، كۆنفراسێ جینۆسایدا ئێزدیان دێ هێتە گێڕان، د كۆنفرانسی دا چەندین چالاكیێن گرێدایی جینۆسایدا ئێزدیان هەبن، ئەم داخواز دكەین رەوشا شنگالێ ئاسایی بیت و پڕۆژەیێن خزمەتگوزاری و ستراتیژی بگەهنە شنگالێ و دەلیڤەیێن كاری پەیدابن و ئاوارە ب سەرفرازی ڤەگەڕن».
بۆ زانین، ل سالا 2014ێ تێرۆرستێن داعشێ هێرشی سەر شنگالێ كرن و زیانەكا مەزن گەهاندە خەلكێ شنگالێ، هەتا نوكە ژێ هێشتا هەژمارەكا مەزن یا خەلكی ئاوارانە و نەشیاینە ڤەگەڕن، هێشتا ئیراقێ پێنگاڤێن رژد بۆ باشكرنا رەوشا شنگالێ و قەرەبووكرنا خەلكی و ڤەگەڕیانا ئاوارەیان نەهاڤێتینە.
