كۆنفرانسێ پێنجێ یـێ زانستییێ نێڤدەولەتی یێ تراومایـێ هاتە گێڕان
ب ئامادەبوونا ماجد سەید سالح، جێگرێ پارێزگارێ دهۆكێ و د. سەباح ئیبراهیم، ڕاوێژكارێ وەزیرێ خواندنا بلند و ڤەكۆلینێن زانستی و هژمارەكا بەرپرس و مامۆستایێن زانكۆیێ و نوونەر و سەرۆك ڕێكخراوان، دوهی 26/10/2026 كۆنفرانسێ پێنجێ یێ زانستییێ نێڤدەولەتی یێ تراومایێ ل دۆر فێربوون بەرپرسایەتی د جڤاكێن پشتی ململانێ دا هاتە گێڕان، كو ژ لایێ پەیمانگەها چارەسەریێن دەروونی و تراومایێ ل زانكۆیا دهۆك و پەیمانگەها زانستی و ساخلەمی یا ئەلمانی و دامەزراوەیا ئەلمانی بۆ هاریكاریێن مریڤی هاتبوو ڕێكخستن.
د كۆنفرانسی دا جێگرێ پارێزگارێ دهوكێ و وەزیرێ ئێكێ یێ هەرێما بادن – ڤووتەمبێرگ یا ئەلمانیا بۆ كاروبارێن جڤاتا وەزیران بەحس ل ناڤەرۆك و گرنگییا كۆنفرانسی كر، پاشی هندەك پەنەل ل دۆر پشتەڤانییا ساخلەمییا دەروونی و قوربانیێن ئەشكەنجەدانێ و كاریگەرییا بەرنامەیێن دەروونی لسەر كێمكرنا ڕێژەیا خەمۆكییێ و داهێنان بۆ باشتركرنا ئەنجامێن بزاڤ و چارەسەریێن دەروونی و هندەك تەوەرێن جودا هاتنە پێشكێكرن.
