كۆنفرانسەكێ نێڤدەولەتی بۆ زانستێن دەروونی و مرۆڤاتی ل زانكۆیا زاخۆ دێ هێتە ئەنجامدان
زاخۆ، دلۆڤان هالۆ:
سەرۆكاتیا زانكۆیا زاخۆ دیاركر كو ل ژێر درووشمێ (زانستێن مرۆڤایەتی بەرەڤ پەروەردەیەكا نووخواز و وەرارەكا بەردەوام) سێیەمین كۆنفڕانسێ زانستی یێ نێڤدەولەتی بۆ زانستێن دەروونی و مرۆڤایەتی ل زانكۆیا زاخۆ دێ هێتە ئەنجامدان.
سەرۆكاتیا زانكۆیا زاخۆ خویا كر كو ئەڤ كۆنفڕانسە ژ لایێ كۆلیژا پەروەردێ ل زانكۆیا قادسیە ب هەڤكاری ل گەل كۆلیژا پەروەردا بنیات ل زانكۆیا زاخۆ و ڕێڤەبەریا گشتی یا پەروەردەیا كەرخا دووێ و دەزگەهێ فۆراتەین یێ گەشەپێدان و پێشئێخستنێ هاتیە ڕێكخستن.
زانكۆیا ناڤهاتی ئەو چەندە ژی ئاشكرا كر كو ئەڤ كۆنفڕاسە ل ڕێكەفتی 3ی مەها گولانا ئەڤ سالە و ل دەمژمێر 10ی سپێدێ ل هۆلا خەلیل خەیالی ل كۆلیژا پەروەردا بنیات دێ هێتە ئەنجامدان و بۆ دەمێ دو ڕۆژان دێ یێ بەردەوام بیت.
