كەنیسەیەكا دیرۆكـی و شوونواری ل ئاكرێ دهێتە نووژەنكرن
رەمەزان زەكەریا
كەنیسەیا (مریم العذرا) كو دیرۆكا ئاڤاكرنا وێ بۆ سالا (1695) زاینی دزڤڕیت، دهێتە نووژەنكرن و پشتی ب دووماهی دهێت دێ بیتە دەرگەهەكێ دی كو گەشتیار مفای ژێ ببینن و بچن سەرەدانا وێ بكەن.
هیوا شەمال، رێڤەبەرێ شوونوار و كەلەپۆری ل ئاكرێ، ل دۆر وێ كەنیسەیێ بۆ رۆژنامەیا ئەڤرۆ گۆت: ئەڤ نووژەنكرنە ب شێوازەكێ زاستی و ب دەستێن كەسێن بسپۆر ل سەنتەرێ قەزا ئاكرێ یێ دهێتە ئەنجامدان، ئەڤ كەنیسەیە دهێتە هژمارتن ژ كەڤنترین كەنیسەیێن برایێن مە یێن كریستیان ل دەڤەرێ كو دیرۆكا وێ بۆ سالا (1695) زاینی دزڤڕیت، ژلایێ رێكخراوا (لوتۆس فلاوەر) ڤە دهێتە نووژەنكرن، پرۆژە ب پشتەڤانیا دارییا كۆمارا فدرالیا ئەلمانیا یە و ژلایێ رێكخراوا ( giz) ل سەر شێوازێ تەلارسازیا (بازلیكی) ب بەررێن سرۆشتی دهێتە بجه ئینان و پشتی ب دووماهی دهێت دێ بیتە ئەگەرێ پتر دانەنیاسینا دیرۆكا دەڤەرێ و پێشخستنا كەرتێ گەشتیاری.
