كەڤالێن وی دەربڕینێ ژ ئێش و ئازارێن كوردان دكەن
زنار تۆڤی:
شێوەكار (لوقمان ئەحمەد) د دیدارەكێ دا بۆ رۆژناما ئەڤرۆ دبێژیت: ئەڤە 40 سالن ئەز د وارێ هونەری دا كار دكەم، ل سالا 1989 ێ بۆجارا ئێكێ من پشكداری د پێشانگەهەكا شێوەكاری دا كربوو ل باژێرێ قامیشلۆ ل رۆژئاڤایێ كوردستانێ، د دووڤدا من پشكداری د هژمارەكا پێشانگەهان دا كریە ل باژێرێن جۆدا یێن رۆژئاڤایێ كوردستانێ و سووریێ، ل سالا 2010 چوویمە ویلایەتا ڤیرجینیا ل ئەمریكا و ل سالا 2014 وەكو رۆژنامەڤان و پێشكێشكارێ رادیۆ و تەلەڤزیۆنا كوردی یا دەنگێ ئەمریكا كاركریە، د هەمان دەمدا من بەرنامەكێ حەفتیانە هەیە ب ناڤێ (حەفت رەنگ) بەری هنگێ ژی من بەرنامێ (دەنگ و رەنگ) هەبوو، كو تێدا بەحسێ هونەرێ كوردی دكەت.
ناڤهاتی گۆت: هەتا نوكە من چەندین پێشانگەهێن شێوەكاری ڤەكرینە و بابەتێن كەڤالێن من ژی ل سەر ژیان و ئێش و ئازارێن گەلێ كوردستانێ نە، هەروەسا من لبەرە پشكدارییێ د چەندین پێشانگەهێن دی دا بكەم ل جهێن جۆدا یێن وەلاتێ ئەمریكا.