كەیفا بابێ وی پتر ب رۆلێ وی هات
شاهۆ فەرید:
سامان محەمەد، گەنجەكێ خەلكێ دهۆكێ یە، لڤێ دووماهیێ وەك ئەكتەر پشكداری د دراما (بارۆڤە) دا كربوو، د دیدارەكێ دا بۆ رۆژناما ئەڤرۆ گۆت: حەزا ئەكتەریێ د ژیەكێ بچووكدا ل دەف من هەبوو، گەلەك جاران ل قوتابخانێ من هندەك لڤین دكرن، هەڤالان پالپشتی من دكر كۆ ببمە ئەكتەر، نوكە ئەز دەرچۆیێ پەیمانگەها هونەرێن جوانم/ پشكا شانۆیێ بەری نوكە من پشكداری د چ كاران دا نەكربوو، دەمێ هاتیمە ئاگەهداركرن پشكداری دراما (بارۆڤە) ببم رۆلێ تیتویی بگێرم من دیت ل گەل كەساتیەكا باشە و چەند پرۆڤەكا هەتا شیام دەنگی ژی بگۆهۆرم، وێری پیچەك یا زەحمەت بوو، بەلێ من خوە ل گەل گونجاد، كارێكتەریا وی وەسا بۆ خەلكی دیاركەم كەسەكێ گوهشیە و هەردەم بڕیار و ئاخفتن وی نە ل گەل دەمی نە، مالباتا مە ژی د هاریكاربوون، بابێ من كەیفا وی گەلەك ب رۆلێ من هات دەمێ شیانێن من دیتین بڤی رۆلی رابوویم، بابێ من (محەمەد عەبدوللا) كارێ نڤیسەریا پرتووكا و چیرۆكان دكەت.
زێدەت گۆت: پشتەڤانێن بهێز پالدایم بۆ ڤی كاری برایێ من سولتان و ئەڤراز سەعید و باوەر نوری كو هاریكاریا من كرین ، وان هەردەم شیرەت ل من دكرن كو من شیانێن كارێن باش هەنە دێ شێم رۆلێن خوە باشی گێرم، پسمامێ من ژی لایێ دەروونی ڤە گەلەك ئارام دكرم دابشێم ڤی ئەركی بگێرم، هەركەسەكێ خەونەك و هیڤیەك هەبیت بلا بەردەوام ل سەركار بكەت رۆژەك دێ هێت دێ بۆ بنە راستی و راوەستانێ بۆ نەكەت، دێ سەر كارێ ئەكتەریێ بەردەام بم و كارییێن نووتر پشكداریێ كەم ژ فلم و درامایا.
