لاڤرۆڤ: چو ئاماژێن هندێ نینن کو دێ ئەمریکا ڤەکێشیت
ئەڤرۆ نیوز:
سیرگێی لاڤرۆڤ وەزیرێ دەرڤە یێ روسیا بۆ ئاژانسا سپۆتینگ یا وی وەلاتی دیار کر کو هەتا نها چو ئاماژێن هندێ نینن کو دێ ئەمریکا هێزێن خوە ژ سووریێ ڤەکێشیت، بریارا ترامپی ژی جهێ گەنگەشێ یە و هەتا ئەمریکا ب کریاری دەست ب ڤەکێشانێ نەکەت ئەم نەشێین چو داخۆیانیەکێ بدەین.
ئەڤ داخۆیانیا وەزیرێ دەرڤە یێ روسیا د دەمەکێ دایە کو بەری نها ژی بەرپرسێن روسیا ب گومانڤە سەرەدەریێ ل گەل بریارا ترامپی دکەن و ئیران وەکو ئێک ژ وەلاتێن کاریگەر ل سووریێ هەتا نها ژی ل هەمبەر بریارا ترامپی چو هەلویستەکێ فەرمی نیشا نەدایە و وەزیرێ دەرڤە یێ ئیرانێ دوهی راگەهاند دڤێت ئەم چاڤەرێ بین کا بزانین دێ چ روو دەت.
