ليستا خزمه‌تگۆزارى و توركمانان پۆستێن نوو وه‌رگرتن
ئه‌ڤرۆ نیۆز:
د كومبوونه‌كێ دا ل گه‌ل سه‌رۆك فراكسۆنێن دناڤ جڤاتا پارێزگه‌ها هه‌ولێرێ دا، برَیارا هاته دان پۆستێن سه‌رۆكێن دو لژنان بده‌نه لیستا خزمه‌تگۆزارى ( كومه‌لا ئیسلامى و یه‌كگرتوو یا ئیسلامى).
ب مه‌ره‌ما پشككرنا پۆستێن د ناڤ جڤاتا پارێزگه‌ها هه‌ولێرێ دا، سه‌رۆكێن فراكسیۆنێن پشكدار كومبوون، لیستا خزمه‌تگۆزارى كو خودانا سێ كورسیانه بریار دڤێ كومبوونێ دا هایته دان پۆستێن دو سه‌رۆك لژنان بده‌نێ.
هه‌ر دكۆمبوونێ دا فراكسیۆنا توركمان ژى كو ئه‌و ژى خودان سێ كورسینه سه‌رۆكاتیا دو لژنێن جڤاتا پارێزگه‌ها هه‌ولێرێ وه‌رگرن، ل گۆڕ پێزانینێن جڤاتا پارێزگه‌ها ناڤبرى ژمارا لژنێن پارێزگه‌هێ (15) لژنه‌نه و ل سه‌ر دو پشكان هاتینه پشككرن، ئه‌وژى كو لژنێن سیادى و لژنێن خزمه‌تگۆزارى نه.
