لژنا دەستپاکیێ: دێ دووڤچوونا سیستەمێ بایۆمەتری کەین
ئەڤرۆ نیوز:
ل دۆر مووچێ فەرمانبەرێن ھەرێما کوردستانێ، لیژنا دەستپاکی و کاروبارێن پەرلەمانی و سکالایان ل پەرلەمانێ کوردستانێ چەند پێزانینەکێن گرنگ ئاشکرا دکەت.
سەعید مستەفا تەتەرخان، جێگرێ سەرۆکا لیژنا دەستپاکی و کاروبارێن پەرلەمانی و سکالایان ل پەرلەمانێ کوردستانێ ئاشکرا کر، ئەو دێ دووڤچوونێ بۆ قووناغێن سیستەمێ بایۆمەتری کەن، داکو بزانن کێ دو مووچە ھەنە و مووچێ کێ ھاتیە بڕین و بۆ (باسنیوز) گۆت: “ھەکە پێدڤی ژی بکەت، لیژنا ھووربینیێ دوبارە بھێتە دروستکرن و روونشتن و دانوستاندن ل سەر دێ ھێنە کرن”.
جێگرێ سەرۆکا لیژنا دەستپاکی و کاروبارێن پەرلەمانی و سکالایان ل پەرلەمانێ کوردستانێ خویا ژی کر کو د کابینا بھێت یا حوکمەتا ھەرێما کوردستانێ دا، سیستەمێ مووچەی ل ھەرێما کوردستانێ دێ ھێتە رێکخستن.
سەعید مستەفا تەتەرخان ئاماژە ب وێ چەندێ ژی کر کو کۆمەکا جوداھیان د مووچێ فەرمانبەر و پێشمەرگەی و ھێزێن ناڤخوە دا یا ھەی و گۆت: “ئەو پرۆژە قانوونا مە ل دۆر ڤی بابەتی دانای کو دڤێن مووچە ل ھەرێما کوردستانێ بھێتە رێکخستن،بۆ نموونە، فەرمانبەرێ ھەی دەرمالێ وی ٥٠% و فەرمانبەر ژی یێ ھەی دەرمالێ وی ٢٠% یان پتر یان ژی کێمتر، ئەڤە ھەموو دێ ھێنە رێکخستن”.
